পাকিস্তানৰ বিৰুদ্ধে কঠোৰ এক্সন ভাৰতৰ। পাকিস্তানৰ বিমান সেৱাৰ বাবে এমাহৰ NOTAM বৃদ্ধি কৰিছে ভাৰতে। নতুন আদেশৰ অধীনত ২০২৫ চনৰ ২৩ জুনলৈকে কোনো পাকিস্তানী বিমানে ভাৰতৰ আকাশমাৰ্গত প্ৰৱেশ কৰিব নোৱাৰিব।
অসামৰিক বিমান পৰিবহণ মন্ত্ৰালয়ে জাৰি কৰা এক বিবৃতিত কোৱা হৈছে যে, পাকিস্তানত পঞ্জীয়নভুক্ত এচিএফটি আৰু সামৰিক বিমানকে ধৰি পাকিস্তানী বিমান সংস্থা বা অপাৰেটৰৰ দ্বাৰা পৰিচালিত বা লিজত লোৱা এচিএফটিৰ বাবে ভাৰতীয় আকাশমাৰ্গ অনুমোদিত নহয়।
পেহেলগাম সন্ত্ৰাসবাদী আক্ৰমণৰ পিছত ভাৰতে পাকিস্তানৰ বিৰুদ্ধে কঠোৰ ব্যৱস্থা গ্ৰহণ কৰি ৩০ এপ্ৰিলত পাকিস্তানী বিমান সেৱাৰ বাবে নিজৰ আকাশমাৰ্গ বন্ধ কৰি দিছিল। এই নিষেধাজ্ঞা পাকিস্তানী বিমান সংস্থা আৰু সামৰিক বিমান সেৱাৰ ক্ষেত্ৰত প্ৰযোজ্য। ইয়াৰ পিছত পাকিস্তানৰ আন কোনো বিমানেই ভাৰতীয় আকাশমাৰ্গ ব্যৱহাৰ কৰিবলৈ সক্ষম নহয়।
পাকিস্তানেও শুকুৰবাৰে ২৪ জুনলৈকে ভাৰতীয় বিমান সংস্থাৰ বাবে নিজৰ আকাশমাৰ্গ বন্ধ কৰি দিছিল। এই সিদ্ধান্ত লোৱা হৈছিল যেতিয়া ভাৰতীয় বিমান সংস্থা ইণ্ডিগো বিমানখন দিল্লীৰ পৰা শ্ৰীনগৰলৈ গৈ আছিল আৰু ধুমুহাত আবদ্ধ হৈ পৰিছিল। এই কঠিন পৰিস্থিতিৰ পৰা হাত সাৰিবলৈ পাইলটজনে পাকিস্তানৰ আকাশমাৰ্গত প্ৰৱেশৰ অনুমতি বিচাৰিছিল। কিন্তু পাকিস্তানে ইয়াক অস্বীকাৰ কৰে।
২২০ জনতকৈ অধিক লোক কঢ়িয়াই অনা বিমানখনত শিলাবৃষ্টিৰ খুন্দাত বৃহৎ সমস্যাৰ সৃষ্টি হয়। যদিও পাইলটে নিজ বুদ্ধিৰে সকলো যাত্ৰীৰ বাবে বিমানখন নিৰাপদে অৱতৰণ কৰিছিল, তথাপিও বিমানখনৰ ‘নাক ৰেড’ম’ৰ ক্ষতিসাধন হৈছিল।
পাকিস্তানে ভাবিছিল যে ভাৰতে ইয়াৰফলত পাকিস্তানৰ বাবে আকাশমাৰ্গ মুকলি কৰিব কিন্তু নিজৰ কঠোৰ স্থিতি বজাই ৰাখি ভাৰতে পাকিস্তানৰ বাবে আকাশমাৰ্গৰ নিষেধাজ্ঞা ২৩ জুনলৈকে বৃদ্ধি কৰিছে।
