ভাৰতীয় সেনা বাহিনীৰ সৈতে জড়িত কেতবোৰ গুৰুত্বপূৰ্ণ তথ্য পাকিস্তানী এজেণ্টক যোগান ধৰাৰ অভিযোগত যোৰহাটৰ পৰা এজন লোকক গ্ৰেপ্তাৰ কৰা হৈছে। যোৰহাটৰ সেনা ছাউনীৰ পৰা গ্ৰেপ্তাৰ কৰা লোকজনক চামছুল ইছলাম বুলি চিনাক্ত কৰিছে।
বিলাসীপাৰাৰ পৰা যোৰহাটলৈ আহি লোকজনে সেনা ছাউনীটোত ৱেল্ডিঙৰ কামত নিয়োজিত হৈ আছিল। সেনা ছাউনীৰ ভিতৰত কাম কৰিয়েই সকলো তথ্য পাকিস্তানী এজেণ্টক প্ৰদান কৰা বুলি সন্দহে প্ৰকাশ কৰিছে আৰক্ষীয়ে।
লোকজনক গ্ৰেপ্তাৰ কৰা আৰক্ষীয়ে ঘটনা সন্দৰ্ভত এতিয়ালৈকে কোনো তথ্য প্ৰকাশ কৰা নাই। অৱশ্যে সমগ্ৰ ঘটনা সন্দৰ্ভত যোৰহাটৰ আৰক্ষী অধীক্ষকে সংবাদমেলৰ জৰিয়তে তথ্য প্ৰকাশ কৰিব বুলি জানিব পৰা গৈছে।
উল্লেখ্য যে, পেহেলগামত হোৱা সন্ত্ৰাসবাদী আক্ৰমণৰ পিছৰে পৰা পাকিস্তানৰ প্ৰতি দৰদ দেখুওৱা লোকসকলৰ বিৰুদ্ধে কঠোৰ হৈছে অসম চৰকাৰ। মুখ্যমন্ত্ৰী হিমন্ত বিশ্ব শৰ্মাৰ নিৰ্দেশৰ পিছৰে পৰা কঠোৰ হোৱা অসম আৰক্ষীয়ে এই পৰ্যন্ত ৮১ গৰাকী লোকক গ্ৰেপ্তাৰ কৰিছে।
