পঞ্চায়ত অনুৰাগীৰ বাবে আহিছে এক সুখবৰ। প্ৰাইম ভিডিঅ’ই ঘোষণা কৰিছে পঞ্চায়ত ছিজন ৪ৰ। এই ধাৰাবাহিকখন ২০২০ চনৰ পৰা আৰম্ভ হৈছিল। এইবাৰ এই ধাৰাবাহিকখনৰ পাঁচ বছৰ সম্পূৰ্ণ হ’ল। এই সুখতেই এই ৱেব ছিৰিজৰ নিৰ্মাতাই চতুৰ্থ ছিজনৰ মুক্তিৰ তাৰিখ অনুৰাগীৰ আগত ঘোষণা কৰিছে।
২ জুলাইৰ পৰা প্ৰাইম ভিডিঅ’ত প্ৰচাৰ হ’ব পঞ্চায়ত ৪।আকৌ এবাৰ সকলোৱে চাবলৈ পাব গাঁওখনৰ এটা হৃদয়স্পৰ্শী যাত্ৰা। আকৌ এবাৰ হ’ব আৱেগিক কাহিনীৰ মাজেৰে হাস্যৰসৰো এক মনোৰম সমাহাৰ।
৩টা বঁটা বিজয়ী আৰু অতিশয় প্ৰশংসিত এটাৰ পিছত এটা ছিজনৰ অন্তত পঞ্চায়তে নিজকে অনুৰাগীৰ প্ৰিয় ধাৰাবাহিক হিচাপে প্ৰতিষ্ঠা কৰিছে। ইয়াৰ সহজ অথচ হৃদয়স্পৰ্শী কাহিনী, উজ্জ্বল অভিনয় আৰু সহজ-সৰল গাঁৱলীয়া পৰিবেশে সকলোৰে হৃদয় জয় কৰিছে। এতিয়া ৪ নং ছিজনত আৰু নাটক, হাঁহি আৰু আৱেগিক মুহূৰ্ত আহিব, যিয়ে ফুলেৰাৰ এই সুন্দৰ পৃথিৱীখনক অনুৰাগীৰ ওচৰলৈ লৈ যাব।
এই শ্ব’টোৰ ষ্টাৰকাষ্ট জিতেন্দ্ৰ কুমাৰ, নীনা গুপ্তা, ৰঘুবীৰ যাদৱ, ফৈছাল মালিক, চন্দন ৰায়, সনৱিকা, দুৰ্গেশ কুমাৰ, সুনীতা ৰাজৱৰ আৰু পংকজ ঝাৰ দৰে তাৰকাক পঞ্চায়ত ৪ ত দেখিবলৈ পোৱা যাব।
পঞ্চায়ত ছিৰিজখন এখন কমেডী-নাটক। অভিষেক নামৰ এজন যুৱকৰ কাহিনী ইয়াত দেখুওৱা হৈছে। অভিষেক যি এগৰাকী অভিযন্তা, তেওঁ উত্তৰ প্ৰদেশৰ এখন দুৰ্গম গাঁৱত পঞ্চায়ত কাৰ্যালয়ৰ সম্পাদক হিচাপে নিযুক্ত হয়। গাঁৱত নিজকে কেনেকৈ এডজাষ্ট কৰে আৰু গাঁৱৰ মানুহৰ সমস্যা কেনেকৈ সমাধান কৰে, এই সকলোবোৰ কথা এই ধাৰাবাহিকখনত দেখুওৱা হৈছিল। ইয়াৰোপৰি পঞ্চায়তৰ বিনোদ নামৰ চৰিত্ৰটোৱে ধাৰাবাহিকখন আকৰ্ষণীয় কৰাৰ লগতে হাস্যমধুৰো কৰি তুলিছে।এতিয়া আগন্তুক ছিজনত অভিষেক, প্ৰধান জী আৰু ফুলেৰাৰ সহজ-সৰল ৰাইজে কি নতুন প্ৰত্যাহ্বানৰ সন্মুখীন হ’ব, সেয়া দেখুওৱা হ’ব।
উল্লেখ্য যে, পঞ্চায়ত ছিজন ৪ প্ৰযোজনা কৰিছে The Viral Fever (TVF) য়ে। দীপক কুমাৰ মিশ্ৰ আৰু চন্দন কুমাৰে এই ধাৰাবাহিক নিৰ্মাণ কৰিছে। চন্দন কুমাৰে ইয়াৰ কাহিনী লিখিছে। ধাৰাবাহিকখনৰ পৰিচালক হৈছে দীপক কুমাৰ মিশ্ৰ আৰু অক্ষত বিজয়বৰ্গীয়া।
