বৰ্তমান সামাজিক মাধ্যমত এক ভিডিঅ’ দ্ৰুতগতিত ভাইৰেল হৈ পৰিছে। এই ভিডিঅ’টোত এজন ব্যক্তিয়ে এনে এটা পদক্ষেপ লৈছে, যি দেখি সকলোৰে চকু কঁপালত উঠিছে। মধ্যপ্ৰাচ্যত বৃদ্ধি পোৱা উত্তেজনা আৰু ইন্ধনৰ সংকটৰ সম্ভাৱনাৰ বাবে এই লোকজনে এনেকুৱা এক পদক্ষেপ লৈছে যে পেট্ৰ’ল পাম্পৰ কৰ্মচাৰীও আচৰিত হয়। এতিয়া এই ভিডিঅ’টো অনলাইনত ব্যাপকভাৱে শ্বেয়াৰ কৰা হৈছে, আৰু ইয়াৰ ওপৰত মানুহে বিভিন্ন ধেমেলীয়া প্ৰতিক্ৰিয়া দিছে।
ভাইৰেল ভিডিঅ’টোত এজন ব্যক্তিয়ে বাইক বা গাড়ী লৈ নহয়, ভৰ্তি টেংকাৰ লৈ পেট্ৰ’ল পাম্পত উপস্থিত হৈছে। টেংকাৰখন ৰখাই দিয়াৰ পিছত ওপৰলৈ উঠি নজেলৰ পৰা পেট্ৰল ভৰাবলৈ আৰম্ভ কৰে। সাধাৰণতে মানুহে কেইলিটাৰমান বা সৰ্বাধিক ৫০-৬০ লিটাৰ ভৰায়, কিন্তু এই পৰিস্থিতি সম্পূৰ্ণ বেলেগ। খবৰ পোৱা গৈছে যে এই টেংকাৰখনত প্ৰায় ৫ হাজাৰ লিটাৰ পেট্ৰ’ল ভৰোৱা হৈছিল।
ভিডিঅ’টোত দাবী কৰা হৈছে যে, মধ্যপ্ৰাচ্যত উত্তেজনা বৃদ্ধি পোৱাৰ খবৰ পাই লোকজন আতংকিত হৈ পৰিছিল। পৰিস্থিতি আৰু অধিক অস্থিৰ হ’লে পেট্ৰ’লৰ যোগানত প্ৰভাৱ পৰিব পাৰে আৰু হঠাতে দাম বৃদ্ধি হ’ব পাৰে বুলি তেওঁ আশংকা কৰে। এই আশংকাই তেওঁক আগতীয়াকৈ বৃহৎ পৰিমাণৰ পেট্ৰ’ল মজুত কৰিবলৈ প্ৰেৰণা দিয়ে। সেয়ে গোটেই টেংকাৰখন পেট্ৰল পাম্পলৈ লৈ গৈ হাজাৰ হাজাৰ লিটাৰ ভৰাই লয়।
এই ভিডিঅ’টো ছ’চিয়েল মিডিয়াত প্ৰকাশ পোৱাৰ লগে লগে দ্ৰুতগতিত ভাইৰেল হৈ পৰে। মানুহে ইয়াক বিভিন্ন প্লেটফৰ্মত শ্বেয়াৰ কৰি বিভিন্ন প্ৰতিক্ৰিয়া প্ৰকাশ কৰিছে।
