১১ বছৰৰ পাছত প্ৰথমবাৰৰ বাবে নাগপুৰস্থিত আৰ এছ এছৰ মুখ্য কাৰ্যালয়ত উপস্থিত হয় প্ৰধানমন্ত্ৰী নৰেন্দ্ৰ মোদী। আজি পুৱা প্ৰধানমন্ত্ৰী মোদীয়ে ইয়াৰ স্মৃতি মন্দিৰত RSS প্ৰতিষ্ঠাপকসকলক শ্ৰদ্ধাঞ্জলি জ্ঞাপন কৰে। এই সময়ছোৱাত তেওঁৰ সৈতে উপস্থিত আছিল আৰ এছ এছৰ মুৰব্বী মোহন ভাগৱত।
উল্লেখ্য যে, প্ৰধানমন্ত্ৰী হিচাপে কাৰ্যভাৰ গ্ৰহণ কৰাৰ পিছত তেওঁ অহা নাছিল আৰ এছ এছৰ কাৰ্যালয়লৈ। এই ভ্ৰমণৰ সময়ত প্ৰধানমন্ত্ৰী মোদীয়ে আৰ এছ এছৰ অন্যতম প্ৰতিষ্ঠাপক গোলৱাকাৰৰ স্মৃতিত নিৰ্মাণ কৰা ছুপাৰ স্পেচিয়েলিটি চকু চিকিৎসালয় ‘মাধৱ নেত্ৰালয় প্ৰিমিয়াম চেণ্টাৰ’ৰ আধাৰশিলাও স্থাপন কৰিব।
ইয়াৰ পিছত তেওঁ নাগপুৰৰ দীক্ষাভূমিও ভ্ৰমণ কৰিব, য’ত ১৯৫৬ চনত বাবা চাহেব আম্বেদকাৰে হাজাৰ হাজাৰ অনুগামীৰ সৈতে বৌদ্ধ ধৰ্ম গ্ৰহণ কৰিছিল। ইয়াত প্ৰধানমন্ত্ৰী মোদীয়ে ড০ ভীম ৰাও আম্বেদকাৰক শ্ৰদ্ধাঞ্জলি জনাব।
অনুষ্ঠানৰ সময়ত প্ৰধানমন্ত্ৰীয়ে নাগপুৰৰ সৌৰ প্ৰতিৰক্ষা আৰু এৰোস্পেচ লিমিটেডৰ গোলাবাৰুদ সুবিধাও পৰিদৰ্শন কৰিব। ইয়াৰ উপৰি তেওঁ UAV বিমানৰ বাবে নিৰ্মিত ১২৫০ মিটাৰ দীঘল আৰু ২৫ মিটাৰ বহল ৰাণৱে উদ্বোধন কৰিব।
