৩১ আগষ্টৰ পৰা দুদিনীয়াকৈ অনুষ্ঠিত হ’বলগীয়া চাংহাই সহযোগিতা সংস্থা (এছ চি অ’) সন্মিলনত অংশগ্ৰহণ কৰিবলৈ চীন ভ্ৰমণ কৰিব প্ৰধানমন্ত্ৰী নৰেন্দ্ৰ মোদীয়ে। ২০২০ চনত চীনৰ সেনাৰ সৈতে গলৱান ঘাটিত হোৱা সংঘৰ্ষৰ পিছত এইটোৱে হ’ব প্ৰধানমন্ত্ৰী মোদীৰ প্ৰথমটো চীন ভ্ৰমণ।
এই ভ্ৰমণৰ জৰিয়তে ভাৰত আৰু চীনৰ মাজত দ্বিপাক্ষিক সম্পর্ক উন্নত হোৱাৰ সম্ভাৱনা আছে।
অহা ৩১ আগষ্টৰ পৰা ১ ছেপ্টেম্বৰলৈ চীনত অনুষ্ঠিত হ’ব এছ চি অ’ শীৰ্ষ সন্মিলন। ২০২৪ চনৰ অক্টোবৰ মাহত ৰাছিয়াত অনুষ্ঠিত হোৱা ব্ৰিকছ সন্মিলনৰ সময়ত প্ৰধানমন্ত্ৰী মোদী আৰু চীনৰ ৰাষ্ট্ৰপতি ছি জিনপিঙৰ আছিল শেষ সাক্ষাৎ।
চীনৰ বৈদেশিক মন্ত্ৰালয়ৰ মতে ২০খনতকৈও অধিক দেশৰ নেতা আৰু ১০টা আন্তঃৰাষ্ট্ৰীয় সংস্থাৰ মুৰব্বীয়ে এছচিঅ’ শীৰ্ষ সন্মিলন আৰু আনুষংগিক অনুষ্ঠানত অংশগ্ৰহণ কৰিব।
চীনত অনুষ্ঠিত হ’বলগীয়া এছ চি অ’ সন্মিলনত অংশগ্ৰহণ কৰাৰ পূৰ্বে জাপান ভ্ৰমণ কৰিব প্ৰধানমন্ত্ৰী মোদীয়ে। অহা ৩০ আগষ্টত জাপানৰ প্ৰধানমন্ত্ৰী ফুমিঅ’ কিছিদাৰ সৈতে বাৰ্ষিক সন্মিলনত অংশগ্ৰহণ কৰিব প্ৰধানমন্ত্ৰী মোদীয়ে।
