২ মাৰ্চৰ পৰা অৰ্থাৎ আজিৰ পৰা আৰম্ভ হৈছে পৱিত্ৰ ৰমজান মাহ। উত্তৰ প্ৰদেশত পুনৰ সংবাদ শিৰোনাম দখল কৰিছে লাউডস্পীকাৰৰ বিষয়টোৱে। উত্তৰ প্ৰদেশ প্ৰশাসনে ৰমজান মাহত ছেহৰী আৰু ইফতাৰৰ সময়ত মছজিদৰ পৰা লাউডস্পীকাৰ বজোৱাৰ নিৰ্দেশনা জাৰি কৰিছে।
এই নিৰ্দেশৰ পিছত মুছলমান সম্প্ৰদায়ৰ মানুহ চিন্তিত হৈ পৰিছে। খবৰ অনুসৰি, উত্তৰ প্ৰদেশৰ বাৰেলীত অৱস্থিত সৰ্বভাৰতীয় মুছলিম জামাতৰ ৰাষ্ট্ৰীয় সভাপতি মৌলানা চাহাবুদ্দিন ৰিজৱীয়ে ৰমজান মাহত প্ৰশাসনৰ পৰা লাউডস্পীকাৰ ব্যৱহাৰৰ অনুমতি বিচাৰিছে।
আচলতে বিগত মাহত উত্তৰ প্ৰদেশ চৰকাৰে মছজিদত লাউডস্পীকাৰ আৰু উচ্চ শব্দৰ বিৰুদ্ধে অভিযান চলাইছিল। এনে পৰিস্থিতিত উত্তৰ প্ৰদেশৰ বহু অঞ্চলৰ মছজিদৰ পৰা লাউডস্পীকাৰ আঁতৰোৱাৰ ক্ৰিয়া দেখা গৈছিল।
ৰমজান মাহত প্ৰশাসনৰ কঠোৰতাৰ প্ৰতি লক্ষ্য ৰাখি বাৰেলীৰ সৰ্বভাৰতীয় মুছলিম জামাতৰ ৰাষ্ট্ৰীয় সভাপতি মৌলানা চাহাবুদ্দিন ৰিজৱীয়ে ৰমজান মাহত লাউডস্পীকাৰ ব্যৱহাৰ কৰিবলৈ প্ৰশাসনৰ পৰা অনুমতি বিচাৰিছে।
ৰমজান মাহত লাউডস্পীকাৰ ব্যৱহাৰৰ সন্দৰ্ভত প্ৰশাসনৰ ওচৰত আবেদন জনাই তেওঁ কয় যে, ৰমজান মাহ আৰম্ভ হৈছে। এই সময়ত মুছলমানে ৰোজা ৰাখি সন্ধিয়া ভাঙিব লগা হয়। এনে পৰিস্থিতিত লাউডস্পীকাৰৰ জৰিয়তে আজান দিলে মানুহৰ বাবে ছেহৰী আৰু ইফতাৰ সহজ হৈ পৰে।
মৌলানা চাহাবুদ্দিনে লগতে কয় যে, চৰকাৰে বৈষম্যমূলক কাম কৰিব নালাগে। উচ্চ ন্যায়ালয়ৰ নিৰ্দেশ সকলো ধৰ্মৰ বাবে, তেন্তে মুছলমানক কিয় টাৰ্গেট কৰা হৈছে? চৰকাৰক পৰামৰ্শ দিওঁতে তেওঁ কয় যে চৰকাৰে ন্যায়ৰ সৈতে কাম কৰিব লাগে। যাতে, মানুহ আৰু মুছলমানৰ আস্থা চৰকাৰ আৰু প্ৰশাসনৰ ওপৰত থাকে।
দৰাচলতে আদালতে ইতিমধ্যে লাউডস্পীকাৰ বজোৱা আৰু ইয়াৰ ভলিউম সন্দৰ্ভত গাইডলাইন দিছে। লগতে উত্তৰ প্ৰদেশ চৰকাৰে বিগত কেইবাবছৰ ধৰি মছজিদ আৰু অন্যান্য ধৰ্মীয় স্থানত লাউডস্পীকাৰ পৰীক্ষা কৰি ব্যৱস্থা গ্ৰহণ কৰি আহিছে।
ইফালে ৰমজানৰ আৰম্ভণিতে উত্তৰ প্ৰদেশৰ মুখ্যমন্ত্ৰী যোগী আদিত্যনাথে ভক্তসকলক সম্ভাষণ জনাইছে। লগতে কোনো ধৰ্মীয় স্থান (মছজিদ)ৰ বাহিৰত তীব্ৰ শব্দ কৰিব নালাগে বুলিও বিষয়াসকলক নিৰ্দেশ দিয়া হৈছে।
উত্তৰ প্ৰদেশৰ মুখ্যমন্ত্ৰীয়ে বিষয়াসকলৰ সৈতে হোৱা বৈঠকত এই নিৰ্দেশ দিছে। লগতে তেওঁ কয় যে, সকলোৰে ধৰ্মক সন্মান কৰা হয়। কিন্তু মছজিদত লাউড স্পীকাৰৰ অভিযোগ ৰাজ্যৰ বহু অঞ্চলৰ পৰা আহিছে।
