কিছু দিনৰ পিছতেই ১০০ বছৰ সম্পূৰ্ণ কৰিব ৰাষ্ট্ৰীয় স্বয়ংসেৱক সংঘ চমুকৈ আৰ এছ এছে। এই উদ্দেশ্যে আৰ এছ এছে ‘সংঘ যাত্ৰাৰ ১০০ বছৰীয়া – নেয়ে ক্ষিতিজ’ নামৰ এক কাৰ্যসূচী আয়োজন কৰাৰ সিদ্ধান্ত গ্ৰহণ কৰিছে।
আৰ এছ এছৰ সৰ্বভাৰতীয় প্ৰচাৰ মুৰব্বী সুনীল আম্বেকাৰে জনোৱা মতে অহা ২৬, ২৭, ২৮ আগষ্টত দিল্লীত তিনিদিনীয়া সংলাপ কাৰ্যসূচী আয়োজন কৰিবলৈ লোৱা হৈছে। আৰ এছ এছৰ মুৰব্বী মোহন ভাগৱতেও এই কাৰ্যসূচীত অংশগ্ৰহণ কৰিব।
উল্লেখ্য যে, আগন্তুক বিজয় দশমীৰ দিনাই আৰ এছ এছে সম্পূৰ্ণ কৰিব ১০০ বছৰ। ইয়াৰ পূৰ্বে ২৬, ২৭ আৰু ২৮ আগষ্টত তিনিদিনীয়া কাৰ্যসূচীৰে সংলাপ কাৰ্যসূচী আয়োজন কৰিছে।
সন্ধিয়া ৫.৩০ বজাৰ পৰা অনুষ্ঠিত হ’বলগীয়া এই কাৰ্যসূচীত মোহন ভাগৱতৰ উপস্থিতি প্ৰায় নিশ্চিত বুলি সংঘৰ তৰফৰ পৰা জনোৱা হৈছে। ২০১৮ চনতো সংঘৰ তৰফৰ পৰা এইধৰণৰ কাৰ্যসূচী দিল্লীৰ বিজ্ঞান ভৱনত অনুষ্ঠিত হৈছিল।
