ৰাছিয়াক পুনৰ আন এটা ভয়ংকৰ ভূমিকম্পই জোঁকাৰি যায়। কুৰিল দ্বীপসংলগ্ন এলেকাত ৭ প্ৰাৱল্যৰ ভূমিকম্প অনুভূত হয়। অৱশ্যে যথেষ্ট পৰিমাণে কম্পন অনুভূত হ’লেও এই অঞ্চলত ছুনামিৰ কোনো সতৰ্কতা জাৰি কৰা হোৱা নাই।
উল্লেখ্য যে, একেৰাহে হৈ থকা ভূমিকম্পৰ প্ৰভাৱত কামচাটকাৰ ক্ৰাশেন্নিকোভ পুনৰ জাগ্ৰত হৈ উঠিছে। প্ৰায় ৬০০ বছৰ পিছত উদগীৰণ হৈছে এই আগ্নেয়গিৰিৰ। স্মৰ্তব্য যে, কিছুদিন পূৰ্বে ৮.৮ প্ৰাৱল্যৰ এক ভূমিকম্পই সমগ্ৰ ৰাছিয়া কঁপাই গৈছিল। সেই ভূমিক্পৰ তীব্ৰতা ইমানেই আছিল যে, আমেৰিকা, জাপানসহ বহু দেশত ইয়াৰ জোঁকাৰণি অনুভূত হৈছিল। এই ঘটনাৰ পিছত ৰাছিয়াৰ উপকূলৱৰ্তী অঞ্চলত ১৩ ফুট উচ্চতাৰ ছুনামিৰ দৰে ঢৌৰ সৃষ্টি হয়।
