অহা ২২ নৱেম্বৰৰ পৰা আৰম্ভ হ’ব ভাৰত-অষ্ট্ৰেলিয়াৰ মাজত পাঁচখন মেচৰ টেষ্ট শৃংখলা। এই শৃংখলাটোৰ প্ৰথমখন মেচ অনুষ্ঠিত হ’ব পাৰ্থত। এই মেচখনৰ পূৰ্বে ভাৰতীয় দলৰ বাবে আহিছে এক বেয়া খবৰ।
প্ৰকাশ পোৱা এক তথ্য অনুসৰি, ভাৰতীয় দলৰ বিশ্বাসযোগ্য শীৰ্ষক্ৰমৰ বেটাৰ শুভমন গিল আঘাতপ্ৰাপ্ত হৈছে। ফিল্ডিং কৰি থকাৰ সময়ত তেওঁ আঘাত হোৱা বুলি জানিব পৰা গৈছে। অৱশ্যে তেওঁৰ আঘাত কিমান গুৰুতৰ সেয়া জানিব পৰা হোৱা নাই।
উল্লেখ্য যে, পাৰ্থৰ WACA ষ্টেডিয়ামত চলি থকা তিনিদিনীয়া ইণ্ট্ৰা স্কোৱাড মেচৰ সময়ত ফিল্ডিং কৰি থকাৰ সময়ত গিল আহত হয়। জানিব পৰা অনুসৰি, তেওঁ আঙুলিত আঘাত পাইছে। যদিহে আঘাত গুৰুতৰ হয় তেন্তে ২২ নৱেম্বৰৰ পৰা আৰম্ভ হ’বলগীয়া প্ৰথম মেচখনত তেওঁ খেলিব নোৱাৰিব।
উল্লেখ্য যে ভাৰতৰ হৈ কেইবাবাৰো উজ্জ্বল প্ৰদৰ্শন আগবঢ়াইছে গিলে। তেওঁৰ আঘাতে দলক যথেষ্ট ক্ষতি কৰিব পাৰে। গিলৰ আঘাতৰ আনুষ্ঠানিক তথ্য এতিয়াও লাভ কৰা হোৱা নাই। কিন্তু ভাৰতৰ ক্ৰিকেট নিয়ন্ত্ৰণ ব’ৰ্ডে আগন্তুক তিনিদিনত এই সন্দৰ্ভত তথ্য দিয়াৰ সম্ভাৱনা আছে।
