বৃহস্পতিবাৰে কেন্দ্ৰীয় চৰকাৰে জলবায়ু কৰ্মী সোনম ৱাংচুকৰ এন জি অ’ৰ এফ চি আৰ এ পঞ্জীয়ন বাতিল কৰে। তেওঁৰ এন জি অ’টোৱে বিদেশী পুঁজিৰ সৈতে জড়িত আইন বাৰে বাৰে উলংঘা কৰাৰ অভিযোগ উত্থাপন হৈছে।
বিদেশী পুঁজি সন্দৰ্ভত সোনম ৱাংচুকৰ এটা সংগঠনৰ বিৰুদ্ধে চিবিআইয়ে তদন্ত আৰম্ভ কৰিছে।
ইয়াৰ উত্তৰত সোনম ৱাংচুকে কয় যে গৃহ মন্ত্ৰালয়ে এজন সৰু ব্যক্তিক দোষাৰোপ কৰিছে। মোৰ কাৰাবন্দীয়ে যুৱক-যুৱতীক জাগ্ৰত কৰিব বুলিও কয়।
সোনম ৱাংচুকে কয়, ‘দুমাহৰ পিছত লাডাখত নিৰ্বাচন আছে, আৰু জনসাধাৰণে দাবী কৰিছে যে পূৰ্বতে দিয়া প্ৰতিশ্ৰুতিসমূহ পূৰণ হওক। এই সন্দৰ্ভত মোৰ স্থিতি শক্তিশালী আছিল আৰু সেয়ে তেওঁলোকে মোক লক্ষ্য কৰি লৈছে। ডেৰ মাহ পূৰ্বে মোক জনোৱা হৈছিল যে মোৰ বিৰুদ্ধে দেশদ্ৰোহৰ গোচৰত এফআইআৰ দাখিল কৰা হৈছে। ইয়াৰ পিছত চিবিআইৰ তদন্তৰ কথা-বতৰা চলিছিল।’
ৱাংচুকে কয়, ‘চিবিআইৰ জাননীত উল্লেখ আছে যে আপোনাৰ সংস্থাটোৱে ২০২২-২৪ চনত বিদেশৰ পৰা ধন লাভ কৰিছিল, এয়া কৰিবলৈ আপোনাৰ কৰ্তৃত্ব নাই। আপোনাৰ হাতত এফচিআৰএ নাই। আমি এফচিআৰএৰ সুবিধা লোৱা নাছিলো কাৰণ আমাৰ বিদেশী ধন গ্ৰহণ কৰাৰ কোনো উদ্দেশ্য নাছিল।’
তেওঁ কয়, ‘আমি আয়কৰ বিভাগৰ পৰা চমন লাভ কৰিছো। তেওঁলোকে নাজানে যে লাডাখ অঞ্চলত কোনেও কৰ নিদিয়ে। ইয়াত কৰ ৰেহাই দিয়া হৈছে। ইয়াত কৰ আদায় দিয়া একমাত্ৰ ব্যক্তিজন মই কাৰণ মই মোৰ বাধ্যবাধকতা বুজি পাওঁ।’
