দক্ষিণ আফ্ৰিকাৰ আৰক্ষীয়ে জনোৱা অনুসৰি, তেওঁ আন এজন ব্যক্তিৰ সৈতে গাড়ীৰে যাত্ৰা কৰি থকা সময়তে আক্ৰমণকাৰীয়ে এই কাণ্ড সংঘটিত কৰে।
আৰক্ষীয়ে জনোৱা অনুসৰি, আক্ৰমণকাৰীয়ে তেওঁৰ গাড়ীৰ সন্মুখত বাহনখন ৰখাই তেওঁৰ প্ৰস্থান পথ বন্ধ কৰি দিয়ে। ইয়াৰ পিছতে গাড়ীৰ পৰা মুখা পিন্ধা দুজন লোক ওলাই আহি ইমামৰ বাহনখনলৈ নিৰ্বিচাৰে গুলীচালনা কৰিবলৈ ধৰে। ইয়াৰ পিছত আক্ৰমণকাৰীসকল পলায়ন কৰে। এই আক্ৰমণত কেৱল মুহছিনৰ প্ৰাণহানি হয়। আৰক্ষীয়ে জনোৱা মতে, এই কাণ্ডৰ আঁৰৰ কাৰণ এতিয়াও জানিব পৰা হোৱা নাই আৰু বিষয়টোৰ তদন্ত চলি আছে।
আন্তঃৰাষ্ট্ৰীয় লেচবিয়ান, গে, বাইচেক্সুৱেল, ট্ৰেন্স আৰু ইন্টাৰচেক্স এছ’চিয়েচনে ইমামৰ এই কাণ্ডক গৰিহণা দিয়ে। এছ’চিয়েশ্যনৰ কাৰ্যবাহী জুলিয়া এহৰহাৰ্টে এক বিবৃতিত কয় যে, মুহচিন হেণ্ড্ৰিক্সৰ সৈতে ঘটা এই কাণ্ডৰ খবৰ পাই সমগ্ৰ আইলজিএ পৰিয়াল গভীৰভাৱে স্তম্ভিত হৈ পৰে।
উল্লেখ্য যে, ১৯৯৬ চনত মুহচিন হেণ্ড্ৰিক্সে ৰাজহুৱাভাৱে স্বীকাৰ কৰিছিল যে তেওঁ সমকামী। ইয়াৰ পিছত তেওঁ LGBTQ সম্প্ৰদায়ৰ অধিকাৰৰ বাবে যুঁজ দিয়া গোটসমূহৰ অংশ আছিল।
তেওঁ কেপ টাউনৰ জন্মস্থানৰ ওচৰৰ উইনবাৰ্গত আল-ঘুৰাবাহ মছজিদ চলাইছিল। মছজিদটোৰ ৱেবছাইট অনুসৰি, ই এক নিৰাপদ স্থান য’ত কুইয়াৰ মুছলমান আৰু প্ৰান্তীয় মহিলাসকলে ইছলাম ধৰ্ম পালন কৰিব পাৰে। হেণ্ড্ৰিক্সে ২০২২ চনৰ এখন তথ্যচিত্ৰ ‘দ্য ৰেডিকেল’ত লাভ কৰা ভাবুকিৰ বিষয়েও কয়।
