ইতিমধ্যে মহাকাশৰ পৰা সুনীতা উইলিয়ামছক ওভোতাই অনাৰ সকলো প্ৰচেষ্টা ব্যৰ্থ হৈছে। দিনক দিনে তেওঁৰ অৱস্থা অচল হৈ গৈ আছে। ইফালে স্পেচএক্সৰ চিইঅ’ ইলন মাস্কৰ ওচৰত ড’নাল্ড ট্ৰাম্পৰ আবেদনে তেওঁৰ উভতি অহাৰ আশা সঞ্চাৰ কৰিছে।
মহাকাশত স্তব্ধ হৈ পৰিছে সুনীতা উইলিয়ামছ আৰু তেওঁৰ সতীৰ্থ মহাকাশচাৰী বুচ উইলম’ৰৰ জীৱন। ইয়াৰ কাৰণ হ’ল ষ্টাৰলাইনাৰ মহাকাশযানৰ বিজুতি।
১৩ দিনৰ বাবে তেওঁলোক মহাকাশলৈ গৈছিল, যদিও হিলিয়াম গেছ নিৰ্গত হৈ মহাকাশযানখনত ইমান সমস্যাৰ সৃষ্টি কৰিছিল যে এতিয়া ৭ মাহ পাৰ হৈ গৈছে আৰু এতিয়াও তাতেই আবদ্ধ হৈ আছে। অৱশ্যে বৰ্তমান সুনীতাৰ উভতি অহাৰ আশা কৰা হৈছে। ইয়াৰ কাৰণ হ’ল ৰাষ্ট্ৰপতি ড’নাল্ড ট্ৰাম্পে স্পেচএক্সৰ স্বত্বাধিকাৰী ইলন মাস্কক কৰা আবেদন।
ট্ৰাম্পে নিজৰ ট্ৰুথ ছ’চিয়েল একাউণ্টৰ পৰা এটা পোষ্ট শ্বেয়াৰ কৰি এই বিষয়ত মাস্কক সহায়ৰ বাবে আবেদন জনায়। ইয়াৰ উত্তৰত ইলন মাস্কেও স্পষ্টকৈ কয় যে স্পেচএক্সে তেওঁ অতি সোনকালে এই দুই মহাকাশচাৰীক ওভোতাই অনাৰ চেষ্টা কৰিব।
