ভাৰতীয় মূলৰ মহাকাশচাৰী সুনীতা উইলিয়ামছ আৰু বুটচ উইলম’ৰ ঘূৰি আহিব পৃথিৱীলৈ। স্পেচএক্সৰ ড্ৰেগন মহাকাশযানত উঠি পৃথিৱীলৈ উভতি আহিব সুনীতা আৰু উইলম’ৰ।
দুয়োজনেই বিগত বৰ্ষৰ ৫ জুনত কেপ কানাভেৰালৰ পৰা বয়িঙৰ নতুন ষ্টাৰলাইনাৰ কেপচুলত ৰাওনা হৈছিল। দুয়োজনেই আঠদিনীয়া অভিযানত গৈছিল যদিও মহাকাশযানৰ পৰা হিলিয়ামৰ লিকেজ আৰু বেগ হেৰুৱাৰ বাবে প্ৰায় ৯ মাহ ধৰি মহাকাশ কেন্দ্ৰত আৱদ্ধ হৈ থাকে।
দীৰ্ঘদিনীয়া প্ৰচেষ্টা, অপেক্ষাৰ অন্তত ১৯ মাৰ্চত স্পেচএক্সৰ ড্ৰেগন (spacex falcon 9)হাকাশযানৰ জৰিয়তে পৃথিৱীলৈ উভতিব দুয়ো। মহাকাশৰ মাইক্ৰ’গ্ৰেভিটি, বিকিৰণ আদিয়ে শাৰীৰিক আৰু মানসিক স্বাস্থ্যৰ ওপৰত বিভিন্ন প্ৰভাৱ পেলায়। আৰু সুনীতা উইলিয়ামছ আৰু বুচ উইলমৰে মহাকাশত প্ৰায় ৩০০ দিন কটায়। মহাকাশত মাধ্যাকৰ্ষণ শক্তি আৰু তীব্ৰ বিকিৰণৰ অনুপস্থিতি মহাকাশচাৰীসকলৰ বাবে প্ৰত্যাহ্বানজনক।ইয়াৰ ফলত তেওঁলোকৰ স্বাস্থ্যৰ ওপৰত আৰু অধিক ভয়ানক প্ৰভাৱ পৰিব।
জানো আহক ই দুয়োগৰাকী মহাকাশচাৰীৰ শৰীৰত কি প্ৰভাৱ পেলাব-
- মহাকাশত বহু সময় থাকিলে হাড়ৰ দুৰ্বলতা, পেশীৰ সংকোচন, দৃষ্টিশক্তি হেৰুৱা আদি সমস্যাৰ সৃষ্টি হ’ব পাৰে।
- সাধাৰণতে মহাকাশলৈ গ’লে ওজন কমি নাযায় যদিও মাধ্যাকৰ্ষণ শক্তিৰ অভাৱত শৰীৰত পৰিৱৰ্তন ঘটে। মাইক্ৰ’পাৰটিকেলৰ ফলত শৰীৰৰ তৰল পদাৰ্থ ওপৰলৈ জমা হয়, যাৰ ফলত মুখখন ফুলি যোৱা যেন দেখাব পাৰে। ইয়াৰ ফলত মহাকাশচাৰীসকলৰ শৰীৰৰ ওজন কমি যায়।
- পৃথিৱীৰ বায়ুমণ্ডল আৰু চুম্বকীয় ক্ষেত্ৰই আমাক বিকিৰণৰ পৰা ৰক্ষা কৰে। কিন্তু মহাকাশত বিকিৰণৰ প্ৰভাৱ বেছি। ইয়াৰ ফলত ডি এন এৰ ক্ষতি হয়, যাৰ ফলত কেন্সাৰ আৰু স্নায়ুতন্ত্ৰৰ সমস্যা হ’ব পাৰে। ইয়াৰ ফলত হৃদৰোগৰ সম্ভাৱনাও বৃদ্ধি পাব পাৰে। ৰোগ প্ৰতিৰোধ ক্ষমতাও দুৰ্বল হৈ পৰে।
- মহাকাশত দীৰ্ঘদিন থাকিলে মানসিক স্বাস্থ্যৰ ওপৰত গভীৰ প্ৰভাৱ পৰে। হতাশা, মানসিক চাপ আৰু উদ্বেগৰ সম্ভাৱনা বৃদ্ধি পোৱাটো সাধাৰণ কথা। মহাকাশচাৰীসকলে পৃথিৱীলৈ উভতি অহাৰ লগে লগে প্ৰায়ে মনোৰোগ বিশেষজ্ঞৰ পৰামৰ্শ ল’বলগীয়া হয়।
