এগৰাকী ছাত্ৰীৰ সফলতাত উৎফুল্লিত এখন গাঁও। পূৰ্বৰ হাজো সমষ্টি আৰু বৰ্তমানৰ ৰঙিয়া সমষ্টিৰ জাপিয়া গাঁৱৰ ৰাইজ এতিয়া আনন্দত আত্মহাৰা। কিয়নো সদ্যঘোষিত উচ্চতৰ মাধ্যমিক চূড়ান্ত পৰীক্ষাত গাঁওখনৰ পৰা সুখ্যাতিৰে উজলিবলৈ সক্ষম হৈছে আৰ্থিকভাৱে দুৰ্বল পৰিয়ালৰ এগৰাকী ছাত্ৰী।
মেধাবী ছাত্ৰী দীপামণি দাসে সমগ্ৰ জাপিয়া অঞ্চললৈ সুনাম কঢ়িয়াই আনিবলৈ সক্ষম হৈছে।
উল্লেখ্য যে, লোকৰ ঘৰত দিন হাজিৰা কৰি নিজৰ কন্যাক শিক্ষাৰ দিশত আগুৱাই লৈ যোৱাৰ চুড়ান্ত হেপাঁহ পুহি ৰাখিছিল পিতৃ হৰেশ্বৰ দাসে।
উচ্চতৰ মাধ্যমিক চূড়ান্ত পৰীক্ষাৰ ফলাফলৰ কলা শাখাত ৮০ শতাংশ নম্বৰেৰে সফলতা অৰ্জন কৰিবলৈ সক্ষম হৈছে দীপামণিয়ে।
অঞ্চলবাসীৰ বাবে কঢ়িয়াই অনা এই সফলতাত দীপামণিক গাঁওবাসীয়ে গামোচা পিন্ধাই, মিঠাই খুৱাই শুভেচ্ছা জ্ঞাপন কৰে।
Input : মিণ্টু কলিতা
