তামিলনাডুৰ জনসংখ্যা অনুসৰি কেন্দ্ৰই ৰাজ্যখনক আসন আবণ্টন দিব বুলি জল্পনা-কল্পনা কৰিছে। কেন্দ্ৰীয় চৰকাৰৰ সমষ্টি পুনৰ নিৰ্ধাৰণৰ বিৰুদ্ধে ৰণকামী ৰূপত তামিলনাডুৰ মুখ্যমন্ত্ৰী এমকে ষ্টেলিন।
এই বিষয়ত শেহতীয়াকৈ গৃহমন্ত্ৰীয়ে তামিলনাডুত স্পষ্টকৈ কৈছে যে, ৰাজ্যখনৰ আসন কোনোপধ্যে হ্ৰাস হ’বলৈ দিয়া নহ’ব।
এই সকলোবোৰ ঘটনাৰ মাজতে তামিলনাডুৰ মুখ্যমন্ত্ৰী এম কে ষ্টেলিনে উদ্ভাৱন কৰিছে এক আচৰিত সূত্ৰ। তেওঁ নৱদম্পত্তীক বিয়াৰ পিছতেই সোনকালে সন্তান জন্ম দিবলৈ আহ্বান জনায়। নগাপট্টিনামৰ বিবাহ অনুষ্ঠানত ভাষণ দি তেওঁ এই কথা কয়। তেওঁ কয় যে, অধিক সাংসদৰ বাবে জনসংখ্যা গুৰুত্বপূৰ্ণ হ’বলৈ গৈ আছে।
তামিলনাডুৰ মুখ্যমন্ত্ৰী এম কে ষ্টেলিনে সোমবাৰে নৱদম্পত্তীসকলক বিয়াৰ পিছত অতি সোনকালে সন্তান জন্ম দিবলৈ আহ্বান জনায়। তেওঁ কয় যে, অধিক জনসংখ্যা অধিক সাংসদ পোৱাৰ মাপকাঠী।
বিয়াৰ অনুষ্ঠানত ভাষণ দি মুখ্যমন্ত্ৰী ষ্টেলিনে কয় যে, বছৰ বছৰ পূৰ্বে নৱবিবাহিতসকলক বিয়াৰ পিছত লগে লগে সন্তান জন্ম নিদিবলৈ পৰামৰ্শ দিয়া হৈছিল। অৱশ্যে এই বিষয়ে আৰু পৰামৰ্শ দিয়া উচিত নহয়, প্ৰয়োজনীয়ও নহয়।
মুখ্যমন্ত্ৰী ষ্টেলিনে কয় যে, ইয়াৰ কাৰণে এতিয়া এনে পৰিস্থিতিৰ সৃষ্টি হৈছে যাৰ বাবে অধিক জনসংখ্যাইহে অধিক সাংসদ নিশ্চিত কৰিব কাৰণ জনসংখ্যাৰ ভিত্তিত সীমা নিৰ্ধাৰণ কৰা হ’ব। তেওঁ কয় যে, তামিলনাডুৱে জনসংখ্যা নিয়ন্ত্ৰণৰ ওপৰত গুৰুত্ব আৰোপ কৰিছিল আৰু সফল হৈছিল আৰু এইটোৱেই আজি ৰাজ্যখনৰ দুৰ্দশাৰ কাৰণ।
ইয়াত অনুষ্ঠানত ভাষণ দি মুখ্যমন্ত্ৰী ষ্টেলিনে অভিযোগ কৰে যে কেন্দ্ৰীয় চৰকাৰে বাধ্যতামূলকভাৱে তিনিভাষিক নীতি কাৰ্যকৰী কৰাৰ পৰিকল্পনা কৰিছে আৰু একেদৰে সীমা নিৰ্ধাৰণৰ ক্ষেত্ৰতো তামিলনাডুৰ বাবে আসনৰ সংখ্যা হ্ৰাস কৰাৰ চেষ্টা কৰিছে।
