আজি গুজৰাটৰ আহমেদাবাদত সংঘটিত হোৱা এয়াৰ ইণ্ডিয়াৰ বিমান দুৰ্ঘটনা সন্দৰ্ভত প্ৰতিক্ৰিয়া প্ৰকাশ কৰিছে টাটা ছন্সৰ অধ্যক্ষ এন চন্দ্ৰশেখৰনে। এটা ৰাষ্ট্ৰীয় সংবাদ মাধ্যমৰ আগত কয় যে দুৰ্ঘটনাটো সংঘটিত হোৱাৰ প্ৰকৃত কাৰণ জানিব পৰা হোৱা নাই। কিন্তু ঘটনাস্থলত থকা উদ্ধাৰকাৰী দল আৰু এজেন্সীসমূহৰ সৈতে সম্পৰ্কত আছে।
চন্দ্ৰশেখৰনে লগতে কয় যে উদ্ধাৰ আৰু সাহায্য অভিযানক প্ৰথম গুৰুত্ব প্ৰদান কৰা হৈছে আৰু বিমানখনত থকা প্ৰতিগৰাকী লোকৰ বাবে সম্ভৱপৰ সহায় আগবঢ়োৱা হ’ব।
অধ্যক্ষগৰাকীয়ে লগতে জানিব দিয়ে যে দুৰ্ঘটনাৰ খবৰ লাভ কৰাৰ পিছতেই এয়াৰ ইণ্ডিয়াৰ ৫০ গৰাকী লোক আহমেদাবাদলৈ ৰাওনা হয়। সহায় সাহায্য আগবঢ়োৱাৰ বাবে সকলো প্ৰকাৰৰ প্ৰস্তুতি কৰা হৈছে। বিমান পৰিবহন মন্ত্ৰীৰ সৈতেও বাৰ্তালাপ কৰা বুলি জনায়।
ইয়াৰ উপৰি এই কৰুণ ঘটনাত মৃত্যু হোৱা লোকসকলৰ পৰিয়াললৈ ১ কোটি টকাৰ এককালীন সাহায্য প্ৰদানৰ কথাও ঘোষণা কৰে। ইয়াৰ উপৰি দুৰ্ঘটনাত আহত লোকসকলক সকলো প্ৰকাৰৰ চিকিসা সুবিধা প্ৰদান কৰাৰ কথাও ঘোষণা কৰে টাটা গ্ৰুপৰ পৰা।
আনহাতে দুৰ্ঘটনাৰ ফলত ক্ষতিগ্ৰস্ত হোৱা বি জে মেডিকেল হাস্পতালখন মেৰামৰি কৰি দিয়া হ’ব বুলিও ঘোষণা কৰে।
