ভাৰতীয় দলৰ দুৰ্বল প্ৰদৰ্শনৰ পিছত বিচিচিআই একচন মোডত আহিছে আৰু নতুন নীতি ৰূপায়ণ কৰিছে। বিচিচিআয়ে দলটোক দলটোক পুনৰ শুদ্ধ পথলৈ অনাৰ বাবে এই কঠোৰ পদক্ষেপ গ্ৰহণ কৰিছে।
শেহতীয়াকৈ ব’ৰ্ডৰ মুখ্য নিৰ্বাচক অজিত আগৰকাৰৰ, মুখ্য প্ৰশিক্ষক গৌতম গম্ভীৰ আৰু অধিনায়ক ৰোহিত শৰ্মাৰ সৈতে বৈঠক অনুষ্ঠিত হয়। এই সময়ছোৱাত বহু বিষয়ৰ ওপৰত আলোচনা কৰা হয়।
বৰ্তমান ব’ৰ্ডে খেলুৱৈসকলৰ বাবে ১০টা কঠোৰ নিয়ম কাৰ্যকৰী কৰিছে। লগতে স্পষ্ট শব্দৰে কোৱা হৈছে যে, যদি কোনোৱে এই নিৰ্দেশনা উলংঘা কৰে, তেন্তে তেওঁ কঠোৰ শাস্তিৰ বাবে সাজু হ’ব লাগিব।আনকি খেলুৱৈজনৰ কেৰিয়াৰো নষ্ট হ’ব পাৰে। অথবা ২ৰ পৰা ৩ বছৰ যে অপচয় হ’ব সেয়া নিশ্চিত।
ইয়াৰ শেহতীয়া উদাহৰণ হ’ল- ঈশান কিষাণ আৰু শ্ৰেয়াছ আয়েৰ। দুয়োৰে চুক্তি কাঢ়ি লোৱা হৈছে। ঈশান কিষান প্ৰায় ১৪ মাহ ধৰি দলৰ পৰা আঁতৰি আছে। একে সময়তে আয়াৰো কেইবামাহ পিছত দললৈ উভতি আহিছে।
ব’ৰ্ডে কয় যে, যদি কোনো খেলুৱৈয়ে এই নিয়ম মানি নচলে, তেন্তে তেওঁৰ বিৰুদ্ধে অনুশাসনমূলক ব্যৱস্থা গ্ৰহণ কৰিবলৈ বাধ্য হ’ব। ইয়াৰোপৰি ভাৰতীয় ব’ৰ্ডে নিলম্বনৰ দৰে ব্যৱস্থাও গ্ৰহণ কৰিব। শাস্তি হিচাপে খেলুৱৈৰ মেচ মাচুল বা চুক্তিৰ মাচুল কৰ্তন কৰিব পাৰে। ইয়াৰ উপৰিও তেওঁৰ চুক্তি বাতিলো কৰিব পাৰে।
যদি বিচিচিআইয়ে অনুভৱ কৰে যে, খেলুৱৈজনে ভুল কৰিছে, তেন্তে তেওঁক আইপিএলকে ধৰি আন যিকোনো প্ৰতিযোগিতাত অংশগ্ৰহণত বাধা প্ৰদান কৰা হ’ব পাৰে। স্পষ্টভাৱে যদি এনেকুৱা হয় তেন্তে দলত নিৰ্বাচিত হোৱাটো কঠিন হৈ পৰিব।
ভাৰতত ক্ৰিকেট নিয়ন্ত্ৰণ ব’ৰ্ডৰ নতুন নিয়ম অনুসৰি দলত নিৰ্বাচিত হ’বলৈ প্ৰতিজন খেলুৱৈয়ে ঘৰুৱা ক্ৰিকেট খেলাটো বাধ্যতামূলক হ’ব। ব্যতিক্ৰমী ক্ষেত্ৰতহে তেওঁক ইয়াৰ পৰা ৰেহাই দিয়া হ’ব আৰু তেওঁ ইয়াৰ বৈধ কাৰণ দৰ্শাব লাগিব।
ইয়াৰ উপৰিও সকলো খেলুৱৈয়ে মেচৰ পৰা আৰম্ভ কৰি অনুশীলনলৈকে সকলো সময়তে একেলগে যাত্ৰা কৰাটো বাধ্যতামূলক কৰা হ’ব।
কোনো ধাৰাবাহিক মেচ চলি থকাৰ সময়ত ব্যক্তিগত কৰ্মচাৰী অথবা বিজ্ঞাপনৰ শ্বুটিং কৰাটোও নিষিদ্ধ কৰা হৈছে।
পৰিয়াল সন্দৰ্ভতো বিধি প্ৰস্তুত কৰিছে ব’ৰ্ডে।
