ৰিপাব্লিকান টেক্স বিলক কেন্দ্ৰ কৰি আমেৰিকাৰ ৰাষ্ট্ৰপতি ড’নাল্ড ট্ৰাম্প আৰু টেছলাৰ মুৰব্বী এলন মাস্কৰ মাজত বৃদ্ধি পাইছে সংঘাত। ড’নাল্ড ট্ৰাম্পক উভতি ধৰি এলন মাস্কে কয় যে যদি তেওঁ ড’নাল্ড ট্ৰাম্পক সহায় নকৰিলেহেঁতেন তেন্তে ট্ৰাম্প নিৰ্বাচনত জয়ী নহ’লহেঁতেন।
এলন মাস্কে ছ’চিয়েল মিডিয়া এক্সত লিখিছে, ‘মোৰ অবিহনে ট্ৰাম্প নিৰ্বাচনত পৰাস্ত হ’লহেঁতেন, ডেম’ক্ৰেটসকলে হাউছ নিয়ন্ত্ৰণ কৰিলেহেঁতেন আৰু ৰিপাব্লিকানসকলে চেনেটত ৫১-৪৯ ব্যৱধানত থাকিলহেঁতেন।’
ইয়াৰ পূৰ্বে ড’নাল্ড ট্ৰাম্পে কৈছিল যে এলন মাস্কে ৰিপাব্লিকান দলৰ কৰ বিধেয়কৰ বিৰোধিতা কৰাৰ বাবে তেওঁ অতি হতাশ।
ট্ৰাম্পে লগতে কটাক্ষ কৰি কৈছিল যে এলন মাস্কে হোৱাইট হাউছক মিছ কৰে আৰু ট্ৰাম্প ডিৰেঞ্জমেণ্ট চিণ্ড্ৰমত আক্ৰান্ত। এটা আগশাৰীৰ সংবাদ সংস্থাত প্ৰকাশ পোৱা ট্ৰাম্পৰ মন্তব্য, ‘এলনৰ ওপৰত মই অতি হতাশ। মই এলনক বহুত সহায় কৰিছো।’
কিছুদিন পূৰ্বে টেছলাৰ চিইঅ’ই আমেৰিকাৰ ৰাষ্ট্ৰপতিৰ স্পেণ্ডিং বিলৰ বিৰোধিতা কৰি ইয়াক ঘৃণনীয় বুলি অভিহিত কৰাৰ সময়তে আমেৰিকাৰ ৰাষ্ট্ৰপতিগৰাকীয়ে তেওঁৰ ঘনিষ্ঠ বন্ধুৰূপে পৰিচিত এলন মাস্কক সমালোচনা কৰিছে।
এই সন্দৰ্ভত মাস্কে ছ’চিয়েল মিডিয়া প্লেটফৰ্ম এক্সত লিখিছিল যে মই দুঃখিত কিন্তু মই সহ্য কৰিব নোৱাৰো। স্পেণ্ডিং বিলখন ঘৃণনীয়। এই বিধেয়কখনৰ সমৰ্থনত ভোট দিয়া লোকসকল লজ্জাজনক: আপোনালোকে জানে যে আপোনালোকে ভুল কৰিলে।
