দুৰ্গাপূজাৰ প্ৰাকমুহূৰ্তত ৰাজ্যত পথ-সুৰক্ষা সু-নিশ্চিত কৰাৰ অৰ্থে পৰিবহন বিভাগে ধাৰ্য কৰিছে বহুকেইটা নিয়ম। ইয়াৰ পৰিপ্ৰক্ষিতত ৩০ ছেপ্টেম্বৰৰ ভিতৰত নিজ- নিজ বাহনৰ নথি-পত্ৰসমূহ সঠিক কৰি ল’বলৈ আহ্বান জনাইছে পৰিবহন বিভাগে।
গুৱাহাটী মহানগৰীত আগন্তুক দুৰ্গোৎসৱ সুকলমে উদযাপন কৰাৰ বাবে সাজু হৈছে আৰক্ষী বিভাগকে ধৰি পৰিবহণ বিভাগ। সংবাদ মাধ্যমৰ ওচৰত এই কথা উল্লেখ কৰে পৰিবহণ বিভাগৰ বিশেষ কতৰ্ব্যৰত বিষয়া গৌতম দাসে।
উল্লেখ্য যে, উৎসৱৰ বতৰত ৰাজ্যত প্ৰায়ে পথ দুৰ্ঘটনাৰ খবৰ শুনিবলৈ পোৱা যায়। গতিকে এই সন্দৰ্ভত পৰিবহণ বিভাগৰ বিশেষ কতৰ্ব্যৰত বিষয়া তথা কামৰূপ মহানগৰ জিলাৰ অতিৰিক্ত দায়িত্ববাহী পৰিবহণ বিষয়া গৌতম দাসে কয় যে,সকলোৱে যাতে সুৰক্ষিতভাৱে যাতায়াত কৰিব পাৰে, সেই উদ্দেশ্যে পথ-সুৰক্ষা নিশ্চিত কৰিবলৈ প্ৰচেষ্টা চলাইছে পৰিবহণ বিভাগে।
যাৰ বাবে সকলো শ্ৰেণী বাহনৰ গৰাকীয়ে অতি সোনকালে অনলাইনযোগে বাহনৰ নথি-পত্ৰসমূহ ঠিক কৰি লোৱা উচিত।
