ক্ৰিকেটাৰ হাৰ্দিক পাণ্ডিয়াৰ পৰা পৃথক হোৱাৰ পিছত, নাতাশা ষ্টানকোভিচে ব্যক্তিগত জীৱনৰ বাবে প্ৰতিদিনে চৰ্চাত থাকে। সংবাদ মাধ্যমেও অভিনেত্ৰীগৰাকীক কেমেৰাত বন্দী কৰাৰ সুযোগ এৰি নিদিয়ে।
বিবাহ বিচ্ছেদৰ পিছত, নাতাশাই পুনৰ নিজৰ কৰ্মজীৱনলৈ ঘূৰি আহিছে। শেহতীয়াকৈ, তেওঁক বিগ বছ অ’টিটি ২ৰ বিজয়ী আৰু ইউটিউবাৰ এলভিছ যাদৱৰ সৈতে দেখা গৈছে। ভিডিঅ’টোত তেওঁলোক দুয়োকে একেলগে দেখাৰ পিছত, তেওঁলোকৰ অনুৰাগীসকলও স্তম্ভিত হৈ গৈছে।
একে সময়তে, হাৰ্দিক পাণ্ডিয়াৰ অনুৰাগীসকলে ছ’চিয়েল মিডিয়াত নাতাশা আৰু এলভিছ যাদৱক খুব বেয়াকৈ ট্ৰ’ল কৰিবলৈ আৰম্ভ কৰে। এতিয়া ইউটিউবাগৰাকীয়ে এই বিষয়ত তেওঁৰ সঁহাৰি দিছে। কেৱল এয়াই নহয়, তেওঁলোকৰ উত্তৰৰ যোগেদি তেওঁ ট্ৰ’লাৰসকলোৰো মুখ বন্ধ কৰিছে।
ইউটিউবাৰ এলভিছ যাদৱে কয় যে- এই ট্ৰলিঙে তেওঁৰ পিআৰক বিনামূলীয়াকৈ সহায় কৰে। বিগ বছ অ’টিটি ২ ৰ বিজয়ীজনে লিখে যে- বিনামূলীয়াকৈ ইমানখিনি পিআৰ কৰাত তেওঁ সুখী। এলভিছ যাদৱৰ এই টুইটটো এতিয়া সামাজিক মাধ্যমত যথেষ্ট ভাইৰেল হৈ পৰিছে।
নাতাশা ষ্টানকোভিচ আৰু হাৰ্দিক পাণ্ডিয়াই এই বছৰৰ জুলাইত তেওঁলোকৰ বিচ্ছেদৰ কথা ঘোষণা কৰিছিল। তেওঁলোক দুয়োজনে এটা টুইটৰ জৰিয়তে কৈছিল যে, পাৰস্পৰিক সন্মতিৰ সৈতে দুয়ো তেওঁলোকৰ ৪ বছৰীয়া সম্পৰ্কৰ পৰা পৃথক হৈছে।
এই খবৰটোৱে হাৰ্দিক আৰু নাতাশাৰ অনুৰাগীসকলৰ হৃদয় ভাঙি পেলায়। আনকি পৃথক হোৱাৰ পাছতো, দুয়োগৰাকীয়ে প্ৰায়ে চৰ্চাত থাকে। কেইদিনমান পূৰ্বে, নাতাশাই তেওঁৰ আহিবলগীয়া মিউজিক ভিডিঅ’ৰ এটা ক্লিপ শ্বেয়াৰ কৰিছিল আৰু অনুৰাগীসকলক ইংগিত দিছিল যে, হাৰ্দিক পাণ্ডিয়াৰ পৰা পৃথক হোৱাৰ পিছত, অভিনেত্ৰীগৰাকী অৱশেষত নিজৰ কামলৈ উভতি আহিছে।
