ৰণবীৰ এলাহাবাদিয়াক আগুৰি ধৰে বহু বিতৰ্কই। সমীৰ ৰাইনাৰ ইণ্ডিয়াজ গট লেটেণ্ট শ্ব’ত তেওঁ অশ্লীল মন্তব্য কৰি তেওঁ বিতৰ্কৰ সন্মুখীন হৈছিল।
দেশজুৰি তেওঁ সকলোৰে সমালোচনাৰ পাত্ৰ হৈছিল। ইয়াৰ পিছত অৱশ্যে ৰণবীৰে এক ভিডিঅ’যোগে সকলোৰে ওচৰত ক্ষমা বিচাৰে।
এতিয়া ৰণবীৰ পুনৰ নিজ কামলৈ উভতি আহিছে।সামাজিক মাধ্যমত ৰণবীৰ এলাহাবাদিয়াই পোষ্ট কৰি লিখিছে, ‘বহুত ক’বলগীয়া আছে কিন্তু এতিয়া নহয়। আপোনালোক সকলোৰে ধৈৰ্য্যৰ বাবে ধন্যবাদ। সকলো সমৰ্থক আৰু শুভাকাংক্ষীলৈ ধন্যবাদ। আপোনালোকৰ ইতিবাচক বাৰ্তাবোৰে মোক আৰু মোৰ সমগ্ৰ পৰিয়ালটোক বহুত সহায় কৰিছে’।
ৰণবীৰে লগতে কয় যে, জীৱনৰ নিম্নতম মুহূৰ্তত সকলোৱে উপলব্ধি কৰে যে কেৱল সফলতাই আমাৰ লগত নাযায়। কেতিয়াবা আমি বিফলতাৰো সন্মুখীন হ’ব লগা হয়। বিগত ১০ বছৰ ধৰি বিৰতি নোলোৱাকৈ প্ৰতি সপ্তাহত ২-৩ টা ভিডিঅ’ মুকলি কৰি আহিছে। এতিয়া কিছুদিনৰ বাবে তেওঁ বিৰতি লবলৈ বাধ্য হয়। এই স্থবিৰতাই তেওঁক জীয়াই থাকিবলৈ শিকালে বুলিও জানিবলৈ দিয়ে।
