কোটি-কোটি অনুৰাগীক কন্দুৱাই অজান দেশলৈ গুচি গ’ল হাৰ্টথ্ৰব জুবিন গাৰ্গ। জুবিন গাৰ্গৰ অঁকাল বিয়োগত অসমবাসীৰ লগতে শোকস্তব্ধ হৈ পৰিছে বলিউড। আজি ছিংগাপুৰত স্কুবা ডাইভিং কৰি থকাৰ সময়তে অসুস্থ হৈ পৰা জুবিন গাৰ্গে পিছত হাস্পতালত শেষ নিশ্বাস ত্যাগ কৰে।
জুবিন গাৰ্গৰ এই আকস্মিক মৃত্যু সহজভাৱে মানি ল’ব পৰা নাই বলিউডৰ তাৰকা কণ্ঠ শিল্পী তথা সংগীত পৰিচালক বিশাল ডাডলানী। সামাজিক মাধ্যমযোগে এটা প’ষ্ট শ্বেয়াৰ কৰি বিশাল ডাডলানীয়ে লিখিছে যে এই কথা বিশ্বাস কৰিব পৰা নাই। মোৰ মন-মগজু স্তব্ধ হৈ পৰিছে, মোৰ হৃদয় ভাঙি পৰিছে!
আনহাতে বলিউডৰ আন এগৰাকী প্ৰতিষ্ঠিত কণ্ঠশিল্পী আৰমান মালিকেও সামাজিক মাধ্যমৰ জৰিয়তে শোক প্ৰকাশ কৰিছে। তেওঁ জুবিন গাৰ্গৰ মৃত্যু বিশ্বাস কৰিব নোৱাৰা বুলি উল্লেখ কৰি আত্মাৰ চিৰশান্তি কামনা কৰে।
জুবিন গাৰ্গৰ সৈতে একেলগে বহু হিন্দী ছবিত কাম কৰা সংগীত পৰিচালক প্ৰীতমেও এই খবৰটো শুনি হতবাক হৈ পৰা বুলি উল্লেখ কৰিছে। জুবিন গাৰ্গৰ মৃত্যু অসমৰ লগতে সংগীত জগতৰ বাবে অপূৰণীয় ক্ষতি বুলি অভিহিত কৰে।
এইসকল বলিউড তাৰকাৰ উপৰি অভিজিত সাৱান্ত, বিশাল মিশ্ৰাৰ লগতে আন বহু শিল্পীয়ে জুবিন গাৰ্গৰ মৃত্যুত গভীৰ শোকপ্ৰকাশ কৰিছে।
