উত্তৰাখণ্ডৰ উত্তৰকাশীত দুৰ্ঘটনাগ্ৰস্ত হৈছে এখন হেলিকপ্টাৰ। এই দুৰ্ঘটনাত পাঁচগৰাকী লোকৰ মৃত্যু হোৱাৰ লগতে আন দুজন লোক আহত হোৱাৰ খবৰ আহিছে। দুৰ্ঘটনাগ্ৰস্ত হোৱাৰ সময়ত হেলিকপ্টাৰখনত আছিল ৭ গৰাকী লোক।
ৰাষ্ট্ৰীয় সংবাদ মাধ্যমত প্ৰকাশ পোৱা খবৰ অনুসৰি দেহৰাদুনৰ পৰা হৰ্ষিল অভিমুখে গৈ থকা সময়তে হেলিকপ্টাৰখন দুৰ্ঘটনাত পতিত হয়। কি কাৰণত এই দুৰ্ঘটনা সংঘটিত হৈছে সেই কথা জানিব পৰা হোৱা নাই যদিও তদন্ত আৰম্ভ কৰিছে।
ইফালে এই দুৰ্ঘটনাৰ পিছতে ঘটনাস্থলত শীৰ্ষ পৰ্যায়ৰ বিষয়া ঘটনাস্থলত উপস্থিত হৈ পৰিস্থিতিৰ বুজ লয়। দুৰ্ঘটনাত আহত হোৱা লোকসকলক উদ্ধাৰ কৰি সমীপৱৰ্তী হাস্পতালত ভৰ্তি কৰোৱা হয়।
