অহা ৫ অক্টোৱৰত এছিয়া কাপ ২০২৫ত ভাৰত বনাম পাকিস্তানৰ মাজত পুনৰ সংঘৰ্ষ হ’ব, পিছে এইবাৰ মহিলা ক্ৰিকেটতহে দুয়োটা দলৰ মাজত সংঘৰ্ষ হব।
এই আই চি চি মহিলা বিশ্বকাপ ২০২৫ মেচখনৰ আগত সকলোৱে ভাবিছে যে পুৰুষ দলৰ দৰে মহিলা দলটোৱেও পাকিস্তানী খেলুৱৈ আৰু পি চি বিৰ বিষয়াৰ সৈতে হাত মিলোৱাৰ পৰা বিৰত থাকিব নেকি? এই সন্দৰ্ভত ইতিমধ্যে এক ডাঙৰ খবৰ ওলাইছে।
এক সংবাদ মাধ্যমত বিচিচিআইৰ এজন বিষয়াই নাম প্ৰকাশ নকৰাকৈয়ে কয় যে, ব’ৰ্ডে চৰকাৰৰ মতে কাম কৰিব আৰু টছৰ সময়ত হেণ্ডশ্বেকৰ পৰম্পৰা নাথাকিব, মেচ ৰেফাৰীৰ সৈতে ফটোশ্বুটো নাথাকিব আৰু খেলৰ শেষত হেণ্ডশ্বেক নীতি নাথাকিব। পুৰুষৰ দলে যি কৰিলে, মহিলা দলেও সেই একেই কামেই কৰিব।
অহা ৫ অক্টোবৰত কলম্বোৰ আৰ প্ৰেমদাছা ষ্টেডিয়ামত ভাৰতীয় মহিলা ক্ৰিকেট দল আৰু পাকিস্তান মহিলা ক্ৰিকেট দলৰ মাজত অনুষ্ঠিত হ’ব বিশ্বকাপৰ খেলখন। পাকিস্তানে এই খেলপথাৰত নিজৰ সকলো মেচ খেলিব, আৰু যদি তেওঁলোকে ফাইনেলত প্ৰৱেশ কৰে, তেন্তে তাতেই খিতাপৰ বাবে ফাইনেল খেল অনুষ্ঠিত হ’ব।
আই চি চি মহিলা এদিনীয়া বিশ্বকাপ ২০২৫ৰ প্ৰথমখন খেলত ভাৰতীয় দলটোৱে শ্ৰীলংকাক ৫৯ ৰানত পৰাস্ত কৰে। বৰষুণৰ বাবে এই খেলখন ৪৭ অভাৰৰ বাবে আছিল, য’ত ভাৰতে ২৬৯ ৰান সংগ্ৰহ কৰে। শ্ৰীলংকাই ২১১ ৰানত অল আউট হয়। দীপ্তি শৰ্মাই ৫৩ ৰান সংগ্ৰহ কৰি তিনিটা উইকেট দখল কৰে। এই আকৰ্ষণীয় অল-ৰাউণ্ড প্ৰদৰ্শনৰ বাবে তেওঁক প্লেয়াৰ অৱ দ্য মেচ হিচাপে নিৰ্বাচিত কৰা হয়।
