প্ৰতি বছৰৰ দৰে এইবাৰো মধ্যপ্ৰদেশত জন্মাষ্টমী উৎসৱত কয়দীসকলক শাস্তিৰ ৰেহাই দিয়া হৈছে। ২৩আগষ্টত ভোপালত এক কাৰ্যসূচীত মধ্যপ্ৰদেশৰ মুখ্যমন্ত্ৰী ড০ মোহন যাদৱে কয়দীসকলক সমাজৰ মূলসুঁতিৰ সৈতে সংযোগ কৰি নতুন জীৱন আৰম্ভ কৰিবলৈ ২১ হাজাৰ দোষী সাব্যস্ত হোৱা কয়দীৰ ভিতৰত ১৪ হাজাৰ কয়দীক ৬০ দিনৰ ৰেহাই দিয়াৰ কথা ঘোষণা কৰিছে।
এই সন্দৰ্ভত সকলো কাৰাগাৰ বিভাগক নিৰ্দেশ দিছে মুখ্যমন্ত্ৰীয়ে। এই ৰেহাই কেৱল সেই বন্দীসকলৰ বাবে প্ৰযোজ্য হ’ব যিসকলে ভাৰতীয় নাগৰিক সুৰক্ষা সংহিতা আৰু জেল নিয়মৰ অধীনত যোগ্যতাৰ মাপকাঠী পূৰণ কৰে আৰু যাৰ আচৰণ সন্তোষজনক হৈছে।
এদিন বা দুদিনত এনেধৰণৰ প্ৰায় এশজন বন্দীয়ে সেই ক্ষমাৰ সুবিধা লাভ কৰিব, যাৰ শাস্তি ৬০ দিন বা তাতকৈ কম সময়ৰ বাবে বাকী আছে।
