গাজাত প্ৰথম পৰ্যায়ৰ যুদ্ধবিৰতি বৃদ্ধিৰ বাবে আমেৰিকাৰ প্ৰস্তাৱক ইজৰাইলে সমৰ্থন জনাইছে। ইজৰাইল চৰকাৰে কয় যে গাজাত প্ৰথম পৰ্যায়ৰ যুদ্ধবিৰতি ৰমজান আৰু নিস্তাৰপৰ্বলৈকে বৃদ্ধি কৰাৰ প্ৰস্তাৱৰ পক্ষত আছে।
ইফালে দ্বিতীয় পৰ্যায়ৰ যুদ্ধবিৰতিৰ আলোচনাৰ ওপৰত জোৰ দিছে হামাছে।
প্রধানমন্ত্রী বেঞ্জামিন নেতান্যাহুৰ কার্যালয়ৰ পৰা এই বক্তব্য প্রথম পর্যায় সমাপ্ত হোৱাৰ মাত্র কেইমিনিটমান পাছতে প্রকাশ কৰিছে৷ দ্বিতীয় পৰ্যায়ৰ যুদ্ধবিৰতি আৰম্ভ কৰাৰ সন্দৰ্ভত আলোচনা হৈছিল। ইয়াৰ লক্ষ্য হৈছে যুদ্ধৰ অন্ত পেলোৱা আৰু গাজাত বাকী থকা সকলো পণবন্দীক ঘৰলৈ ঘূৰাই অনা। ইয়াৰ ভিতৰত আছে জীৱিত আৰু মৃত বন্ধকী।
বিবৃতিটোত ইজৰাইলে আমেৰিকাৰ এই প্ৰস্তাৱৰ বিষয়ে নতুন তথ্য শ্বেয়াৰ কৰিছে। যুদ্ধবিৰতিৰ এলেকা নিস্তাৰ বা ২০ এপ্ৰিললৈকে বৃদ্ধি কৰা হ’ব। প্ৰথম দিনাই আধা পণবন্দীক মুকলি কৰি দিয়া হ’ব। স্থায়ী যুদ্ধবিৰতিৰ চুক্তি হ’লেই বাকীসকলক মুকলি কৰি দিয়া হ’ব।
উল্লেখ্য যে, স্থায়ী যুদ্ধবিৰতিৰ বাবে দুয়োখন দেশক আৰু অধিক সময়ৰ প্ৰয়োজন হ’ব বুলি বিভিন্ন বিশ্লেষকে মন্তব্য কৰিছে।
