আজি বিশ্ব বন্যপ্ৰাণী দিৱস। প্ৰতিবছৰে ৩ মাৰ্চত পালন এই দিৱসটি বিশ্ব বন্যপ্ৰাণী দিৱস হিচাপে পালন কৰা হয়।
বিশ্ব বন্যপ্ৰাণী দিৱস উদযাপনৰ তাৎপৰ্য হৈছে উদ্বেগৰ বিষয়বোৰৰ ওপৰত জনসাধাৰণক শিক্ষিত কৰা, বন্যপ্ৰাণীৰ সমস্যা সম্পৰ্কীয় গোলকীয় সমস্যা সমাধানৰ বাবে প্ৰয়োজনীয় ব্যৱস্থা গ্ৰহণ কৰা, আৰু বন্যপ্ৰাণী সংৰক্ষণৰ ক্ষেত্ৰত সফলতা উদযাপন আৰু শক্তিশালী কৰা।
ৰাষ্ট্ৰসংঘৰ তথ্য অনুসৰি ক্ৰমাৎ বৃদ্ধি পোৱা পৰিৱেশ প্ৰত্যাহ্বানৰ বাবে ১০ লাখৰো অধিক বন্যপ্ৰাণী বিলুপ্ত হোৱাৰ আশংকা আছে।ৰাষ্ট্ৰসংঘৰ ৬৮ তম অধিৱেশনত থাইলেণ্ডে আহ্বান কৰা আন্তৰ্জাতিক বিলুপ্তপ্ৰায় বন্য জীৱ আৰু উদ্ভিদৰ বাণিজ্য অভিবৰ্তনৰ বাবে ৩ মাৰ্চক বিশ্ব বন্যপ্ৰাণী দিৱস হিচাপে ঘোষণা কৰা হয়। এই অধিৱেশন অনুষ্ঠিত হৈছিল ২০১৩ চনৰ ২০ ডিচেম্বৰত।
উল্লেখ্য যে, প্ৰতি বছৰে এটা বিষয়বস্তু লৈ বন্যপ্ৰাণী দিৱস উদযাপন কৰা হয়। এইবাৰ অৰ্থাৎ ২০২৫ চনৰ বিশ্ব বন্যপ্ৰাণী দিৱসৰ বিষয়বস্তু হৈছে “বন্যপ্ৰাণী সংৰক্ষণ বিত্ত: মানুহ আৰু গ্ৰহত বিনিয়োগ।”
ই প্ৰকৃতি আৰু সম্প্ৰদায় উভয়ৰে বাবে বহনক্ষম ভৱিষ্যত নিশ্চিত কৰাৰ লগতে বন্যপ্ৰাণী সংৰক্ষণৰ বাবে পুঁজিৰ উন্নত উপায় বিচাৰি উলিওৱাত গুৰুত্ব আৰোপ কৰে।
বিশ্ব বন্যপ্ৰাণী দিৱস সন্দৰ্ভত প্ৰধানমন্ত্ৰী মোদীয়ে কয় যে, ভাৰতৰ প্ৰতিটো অংশ কেৱল প্ৰকৃতিৰ প্ৰতি সংবেদনশীল নহয়, বন্যপ্ৰাণী সুৰক্ষাৰ প্ৰতিও দায়বদ্ধ।
