কেতিয়াৰ পৰা আৰম্ভ হ’ব পুৰীৰ ৰথ যাত্ৰা; জানো আহক এই পবিত্ৰ যাত্ৰাৰ মহত্ত্ব

৭ জুলাইৰ পৰা ওড়িশাৰ পুৰীত আৰম্ভ হ’বলৈ গৈ আছে জগন্নাথৰ ৰথ যাত্ৰা। প্ৰতি বছৰে আহাৰ মাহৰ শুক্ল পক্ষৰ দ্বিতীয়া তিথিৰ পৰা এই ৰথ যাত্ৰাৰ আয়োজন কৰা হয়।

এই সময়ছোৱাত, ভগৱান জগন্নাথক তেওঁৰ জ্যেষ্ঠ ভাতৃ বলোৰাম আৰু ভগ্নী সুভদ্ৰাৰ সৈতে ৰথত বিৰাজিত কৰোৱা হয়। কোৱা হয় যে, যিয়ে এই ৰথ যাত্ৰাৰ সাক্ষাৎ বা দৰ্শন কৰে, তেওঁ ১০০০ খন যজ্ঞ কৰাৰ সদৃশ ফল পায়।

আহক জানো ভগৱান জগন্নাথৰ ৰথ যাত্ৰাৰ লগত জড়িত কিছু কথা

ভগৱান জগন্নাথ আৰু ৰথ যাত্ৰা

ভগৱান জগন্নাথৰ মুখ্য লীলাভূমি হৈছে ওড়িশাৰ পুৰী। যাক পুৰুষোত্তম বুলিও কোৱা হয়। ৰাধা-কৃষ্ণৰ যুগল মূৰ্তিৰ প্ৰতীক হৈছে স্বয়ং শ্ৰীজগন্নাথ মহাপ্ৰভু। শ্ৰীকৃষ্ণও হৈছে তেওঁৰেই অংশ।

ওড়িশাত ভগৱান জগন্নাথ, তেওঁৰ জ্যেষ্ঠ ভাতৃ বলোৰাম আৰু ভগ্নী সুভদ্ৰাৰ অৰ্ধনিৰ্মিত কাঠৰ মূৰ্তি স্থাপিত কৰা হৈছে। এই মূৰ্তিবোৰৰ নিৰ্মাণ কৰাইছিল ৰজা ইন্দ্ৰদ্দুন্ম্য়ই।

জগন্নাথ প্ৰভুৰ এই যাত্ৰা আহাৰ মাহৰ দ্বিতীয়া তিথিত পুৰীৰ জগন্নাথ মন্দিৰত আৰম্ভ হয়। প্ৰভু বলোৰামৰ পাছফালে পদ্মধ্বজ ৰথত মাতা সুভদ্ৰা আৰু সুদৰ্শন চক্ৰ থাকে। শেষত গৰুণ ধ্বজৰ ওপৰত স্বয়ং শ্ৰীজগন্নাথ প্ৰভু থাকে। আনহাতে, এই ৰথ যাত্ৰা সমাপ্ত হয় দশমী তিথিত।

ৰথ যাত্ৰাৰ বিশেষ মহত্ত্ব

স্কন্দ পুৰাণত কোৱা হৈছে যে এই ৰথ যাত্ৰাত যি গৰাকী ব্যক্তিয়ে শ্ৰী জগন্নাথৰ নাম-কীৰ্তন কৰি গুন্দিচা নগৰলৈ যায়, তেওঁ এই পূৰ্ণজন্মৰ চক্ৰৰ পৰা মুক্ত হৈ যায়।

আকৌ কোৱা হয় যে, যি ব্যক্তিয়ে ভগৱানৰ নাম-কীৰ্তন কৰি এই ৰথ যাত্ৰাত সন্মিলিত হয়, তেওঁৰ সকলো মনোকামনা পূৰ্ণ হয়। ৰথ যাত্ৰাত অংশগ্ৰহণ কৰা মাত্ৰেই সন্তান সম্পৰ্কীয় সকলো ধৰণৰ সমস্যা নাইকীয়া হৈ যায়। সেইসকল লোক অতিকৈ ভাগ্যশালী, যিয়ে এই পবিত্ৰ ৰথ যাত্ৰাৰ চাক্ষুস দৰ্শন পায়।