ক্ৰিকেট অনুৰাগীসকলে এতিয়া আগ্ৰহেৰে অপেক্ষা কৰি আছে আই পি এল ২০২৫লৈ। ২২ মাৰ্চৰ পৰা ২৫ মে’লৈকে চলিব আই পি এলৰ ১৮ সংখ্যক ছিজন।
বিশ্বৰ ভিতৰতে ধনী ক্ৰিকেট লীগ হৈছে আই পি এল। এই লীগত খেলুৱৈয়ে বহুত টকা উপাৰ্জন কৰে, যাৰ বাবে বিশ্বৰ সকলো ডাঙৰ ডাঙৰ খেলুৱৈ ভাৰতলৈ খেলিবলৈ আহে। এনে পৰিস্থিতিত আই পি এল ২০২৫ৰ প্ৰতি লক্ষ্য ৰাখি ৫ তাৰকা খেলুৱৈয়ে এক ডাঙৰ সিদ্ধান্ত লৈছে।
এই আটাইকেইজন খেলুৱৈয়ে আই পি এল ২০২৫ৰ পূৰ্বে খেলিবলগীয়া আন্তঃৰাষ্ট্ৰীয় শৃংখলাত নিজৰ দেশৰ দলৰ হৈ খেলিব নোৱাৰিব।
আগন্তুক আই পি এলৰ ছিৰিজৰ বাবে সকলো খেলুৱৈয়ে নিজৰ দলত যোগদান কৰিবলৈ সাজু। যাৰ বাবে নিউজিলেণ্ডৰ পাঁচ তাৰকা খেলুৱৈয়ে আই পি এল ২০২৫ত অংশগ্ৰহণ কৰাৰ সিদ্ধান্ত লৈছে।
এই খেলুৱৈসকল হ’ল ডেভন কনৱে, লকি ফাৰ্গুচন, গ্লেন ফিলিপছ, ৰাচিন ৰবিন্দ্ৰ আৰু মিচেল ছাণ্টনাৰ।
আই পি এল ২০২৫ৰ বাবে চেন্নাই ছুপাৰ কিংছত যোগদান কৰিবলৈ ওলাইছে ডেভন কনৱেই। একে সময়তে ৰচিন ৰবীন্দ্ৰয়ো চেন্নাই ছুপাৰ কিংছত অংশ ল’ব। লকি ফাৰ্গুচনৰ কথা ক’বলৈ গ’লে এইবাৰ তেওঁ পঞ্জাৱ কিংছ দলৰ হৈ খেলিব। আনহাতে, মিচেল ছাণ্টনাৰক মুম্বাই ইণ্ডিয়ানছৰ হৈ খেলা দেখা যাব। আনহাতে, শুভমান গিলৰ অধিনায়কত্বত এইবাৰ গুজৰাট টাইটানছৰ হৈ খেলিব গ্লেন ফিলিপছে।
