ছালৰ সমস্যা দূৰ কৰাত নেমুৱে কিদৰে সহায় কৰে?

ফাগুন মাহ আৰু চ’ত মাহত পছোৱা বতাহৰ বতৰ অতি ধূলিময় হৈ উঠে। এই গ্ৰীষ্ম ঋতুত প্ৰায় সংখ্যক লোকে ছালৰ যত্ন ল’বলৈ নেমু ব্যৱহাৰ কৰে। গ্ৰীষ্মকালত নেমুৰ পানী খালে শৰীৰ হাইড্ৰেটেড হৈ থাকে। য়াত ভিটামিন চি, এন্টিঅক্সিডেন্ট আৰু অন্যান্য পুষ্টিকৰ উপাদান থাকে, যি ছালৰ বাবে অত্যন্ত উপকাৰী।

নেমুত থকা এন্টি-বেক্টেৰিয়েল গুণে পিম্পল নিয়ন্ত্ৰণত সহায় কৰে। ই ছালত সতেজতা আৰু হাইড্ৰেচন প্ৰদান কৰি মুখখন কোমল আৰু উজ্বল কৰি তোলে।

নেমুৱে কেনেদৰে ছালৰ সমস্যা নিৰাময় কৰে আৰু ইয়াক কেনেকৈ ব্যৱহাৰ কৰিব লাগে জানো আহক-

• নেমুত থকা ভিটামিন চিয়ে ছালখন সতেজ কৰি ৰাখে। ছালত কোনো দাগ থাকিলেও নেমুৰ ৰসে এই সমস্যা দূৰ কৰিব পাৰে।
• নেমুত থকা এন্টি-বেক্টেৰিয়েল গুণে মুখৰ শালমইনা প্ৰতিৰোধ কৰাত সহায় কৰে।
• নেমুৱে ছাল উজ্বল কৰাত সহায় কৰে। নিয়মিত নেমু ব্যৱহাৰ কৰিলে ছালত সতেজতা পোৱা যায়।
• নেমুত এন্টি অক্সিডেন্ট থাকে, যাৰ ফলত ছালৰ বয়স বৃদ্ধিৰ লক্ষণ কম হয়। ই ছালখন টান কৰাত সহায় কৰে, যাৰ ফলত বলিৰেখা আৰু মিহি ৰেখাৰ সমস্যা কম হয়।

কেনেকৈ ব্যৱহাৰ কৰিব লাগে ?

নেমুৰ ৰস উলিয়াই এটা বাটিত লৈ লব লাগে। মনত ৰখা উচিত যে, ইয়াক পোনে পোনে ছালত লগাব নালাগে। ইয়াত মৌ বা গোলাপ পানীও দিব পাৰে, যাৰ ফলত ছালত আৰ্দ্ৰতা পোৱা যায়। তাৰপিছত ইয়াক ভালদৰে ছালত লগাব লাগে। সদায় মনত ৰখা উচিত যে, সূৰ্যৰ পোহৰত নেমু ব্যৱহাৰ কৰিব নালাগে।