IPL ২০২৫ত টীম ইণ্ডিয়াৰ বেগী বলাৰ যশপ্ৰীত বুমৰাহৰ প্ৰৱেশক লৈ এতিয়াও সন্দেহৰ সৃষ্টি হৈছে।অষ্ট্ৰেলিয়া ভ্ৰমণৰ অন্তিমখন খেলৰ সময়ত বুমৰাহ আঘাতপ্ৰাপ্ত হৈছিল, তেতিয়াৰ পৰা তেওঁ কোনো মেচত অংশগ্ৰহণ কৰা নাই।
এনে পৰিস্থিতিত বুমৰাহে IPL খেলাৰ পূৰ্বে নেশ্যনেল ক্ৰিকেট একাডেমীৰ পৰা ফিটনেছ চাৰ্টিফিকেট লাভ কৰিব লাগিব, তেতিয়াহে তেওঁ মুম্বাই ইণ্ডিয়ানছ দলত যোগদান কৰিব পাৰিব। অৱশ্যে তেওঁ বৰ্তমানেও লাভ কৰা নাই ফিটনেছ চাৰ্টিফিকেট।
IPL ত খেলিবলৈ ডাঙৰ সিদ্ধান্ত লৈছিল বুমৰাহ আই পি এল ২০২৫ৰ পূর্বে পুনৰবাৰ নেশ্যনেল ক্ৰিকেট একাডেমী (এন চি এ)ত স্থান লাভ কৰিছে বুমৰাহ।আই পি এল ২০২৫ত খেলাৰ অনুমোদন ল’বলৈ বাংগালুৰুলৈ গৈছে।
অৱশ্যে IPL ২০২৫ ৰ উদ্বোধনী মেচত যশপ্ৰিত বুমৰাহে অংশগ্ৰহণ কৰিব নোৱাৰিব।কিন্তু মুম্বাইয়ে আশা কৰিছে যে, বুমৰাহে অতি সোনকালে দলত যোগদান কৰিব।
উল্লেখ্য যে, বুমৰাহ হৈছে মুম্বাই ইণ্ডিয়ানছৰ অন্যতম গুৰুত্বপূৰ্ণ খেলুৱৈ। আই পি এল ২০২৫ৰ পূর্বে ১৮ কোটি টকাৰ বিনিময়ত তেওঁক ৰখা হৈছিল৷এনে পৰিস্থিতিত মুম্বাইয়ে আশা কৰিছে যে তেওঁ অতি সোনকালে ফিট হৈ মেচত অংশ ল’ব পাৰিব৷
