২২ মাৰ্চৰ পৰা আৰম্ভ হৈছে আই পি এল ২০২৫। এই পৰ্যন্ত মুঠ চাৰিখন মেচ অনুষ্ঠিত হৈছে। আই পি এল মেচত অৰেঞ্জ কেপ দৌৰত আগবাঢ়ি আছে ছানৰাইজাৰ্ছ হায়দৰাবাদৰ ঈশান কিষাণ।
এই প্ৰতিযোগিতাত ৰানৰ ক্ষেত্ৰত আগবাঢ়ি আছে ঈশান কিষাণ। আনহাতে লক্ষ্ণৌ ছুপাৰ জায়েন্টছৰ নিকোলাছ পুৰাণ আৰু মিচেল মাৰ্ছো অৰেঞ্জ কেপৰ দৌৰত নামি পৰিছে।।
ঈশানে ১খন মেচত ১০৬ ৰান সংগ্ৰহ কৰিছে। ছানৰাইজাৰ্ছ হায়দৰাবাদৰ বিৰুদ্ধে তেওঁৰ শতক অৰ্জন কৰিছে। মাত্ৰ ৪৭টা বলত ১০৬ ৰানৰ ইনিংছ খেলিছিল ঈশানে। এই ইনিংছত তেওঁ ২২৫.৫৩ ষ্ট্ৰাইক ৰেটত বেটিং কৰে।
এই সময়ছোৱাত ঈশানে ১১টা চাৰি আৰু ৬টা ছয় সংগ্ৰহ কৰে। যাৰ বাবে তেওঁৰ দলটোৱে ২৮৬ ৰান সংগ্ৰহ কৰে। তেওঁৰ ইনিংছে দলটোক জয়ী কৰাত গুৰুত্বপূৰ্ণ ভূমিকা পালন কৰিছিল। এই মেচখনত হায়দৰাবাদে সহজেই ৪৪ ৰানত জয়লাভ কৰে।
এই ছিজনত এতিয়ালৈকে সৰ্বাধিক ৰান সংগ্ৰহৰ ক্ষেত্ৰত দ্বিতীয় স্থানত আছে লক্ষ্ণৌ ছুপাৰ জায়েন্টছৰ পুৰাণ।তেওঁ ১খন মেচত ৭৫ ৰান সংগ্ৰহ কৰিছে। সোমবাৰে দিল্লী কেপিটেলছৰ বিৰুদ্ধে ২৫০ ৰান ষ্ট্ৰাইক ৰেটত গ’ল দিয়ে পুৰাণে।এই ইনিংছত পুৰাণে ৬টা চাৰি আৰু ৭টা ছয় কৰে।
আকৌ এই প্ৰতিযোগিতাৰ তৃতীয় স্থানত আছে লক্ষ্ণৌৰ অ’পেনিং বেটছমেন মিচেল মাৰ্ছ। দিল্লীৰ বিৰুদ্ধে মাৰ্ছে ২০০ ৰান ষ্ট্ৰাইক ৰেটত ৩৬টা বলত ৭২ ৰান সংগ্ৰহ কৰে।যাৰ বাবে তেওঁৰ দলটোৱে দিল্লীৰ বিৰুদ্ধে ২০৯ ৰানৰ লক্ষ্য নিৰ্ধাৰণ কৰিছিল। ইয়াৰ পিছতো তেওঁৰ দলটোৱে এই মেচখনত জয়ী হ’ব নোৱাৰিলে। এই খেলখনত দিল্লীয়ে ১ উইকেটত জয়লাভ কৰে।
