নৱেম্বৰ মাহত ইজৰাইল-হিজবুল্লাহৰ যুদ্ধবিৰতিৰ পিছত শুকুৰবাৰে ইজৰাইলে প্ৰথমবাৰৰ বাবে লেবাননৰ ৰাজধানী বেইৰুটত আক্ৰমণ চলায়। বেইৰুটত এক বিশাল বিস্ফোৰণৰ শব্দ শুনা যায় আৰু ইজৰাইলী সেনাই আক্ৰমণ কৰা অঞ্চলসমূহ ধোঁৱাৰে আৱৰি ধৰে।
২০২৪ চনৰ ২৭ নৱেম্বৰত ইজৰাইল আৰু হিজবুল্লাহ উগ্ৰপন্থী সংগঠনৰ মাজত যুদ্ধবিৰতি স্বাক্ষৰিত হোৱাৰ পিছতেই বেইৰুটত এই আক্ৰমণৰ প্ৰথমটো আক্ৰমণ হয়, যদিও তাৰ পিছৰ পৰা ইজৰাইলে দৈনিক প্ৰায় দক্ষিণ লেবাননক লক্ষ্য কৰি আহিছে।
ড্ৰ’ন ষ্ট’ৰেজ ফেচিলিটিত আক্ৰমণ ইজৰাইলৰ সেনাই কয় যে, তেওঁলোকে ডাহিয়া অঞ্চলৰ হিজবুল্লাহৰ ড্ৰ’ন ষ্ট’ৰেজ ফেচিলিটিত আক্ৰমণ কৰে, যিটোক হিজবুল্লাহৰ মূল দুৰ্গ বুলি অভিহিত কৰা হৈছে। ইজৰাইলে কয় যে, হিজবুল্লাহে সাধাৰণ নাগৰিকক মানৱ ঢাল হিচাপে ব্যৱহাৰ কৰিছে আৰু সকলো নাগৰিকক অঞ্চলটো এৰি যাবলৈ আগতীয়াকৈ সতৰ্কবাণী জাৰি কৰে।
ইজৰাইলৰ সেনাই বেইৰুটৰ উপকণ্ঠীয় অঞ্চলৰ কিছু অংশ খালী কৰিবলৈ জৰুৰী সতৰ্কবাণী জাৰি কৰাৰ লগতে লেবাননৰ পৰা উত্তৰ ইজৰাইলৰ ওপৰত আক্ৰমণৰ প্ৰতি সঁহাৰি জনোৱাৰ প্ৰতিশ্ৰুতি দিয়াৰ এদিন পিছতে এই আক্ৰমণ সংঘটিত হয়।
লেবাননক আক্ৰমণ অব্যাহত ৰখাৰ অজুহাতত শুকুৰবাৰে ইজৰাইলৰ প্ৰতিৰক্ষা মন্ত্ৰীয়ে কয় যে, যদি দেশখনৰ উত্তৰ সম্প্ৰদায়ৰ মাজত শান্তি নাথাকে তেন্তে বেইৰুটতো শান্তি নাথাকিব। ইফালে হিজবুল্লাহে উত্তৰ ইজৰাইলক আক্ৰমণ কৰা বুলি অস্বীকাৰ কৰিছে আৰু ইয়াৰ পৰিৱৰ্তে ইজৰাইলে লেবাননক আক্ৰমণ অব্যাহত ৰখাৰ অজুহাতহে বিচাৰিছে বুলি অভিযোগ উত্থাপন কৰে।
