ৱাকফ সংশোধনী বিধেয়কত অনুমোদন জনাইছে ৰাষ্ট্ৰপতি দ্ৰৌপদী মুৰ্মুয়ে। আইনত পৰিণত হোৱাৰ পিছতে বিতৰ্কিত আইনখন প্ৰত্যাহাৰৰ দাবীত তৃণমূলৰ সাংসদ মহুৱা মৈত্ৰৰ লগতে আন বহু লোক দ্বাৰস্থ হৈছে সৰ্বোচ্চ ন্যায়ালয়ৰ।
মহুৱা মৈত্ৰই উচ্চতম ন্যায়ালয়ত ৱাকফ (সংশোধনী) আইন ২০২৫ৰ বৈধতাক প্ৰত্যাহ্বান জনাই আবেদন দাখিল কৰিছে।
মুখ্য ন্যায়াধীশ সঞ্জীৱ খান্না, ন্যায়াধীশ সঞ্জয় কুমাৰ আৰু ন্যায়াধীশ কেভি বিশ্বনাথৰ বিচাৰপীঠে এই আইনৰ বৈধতাক প্ৰত্যাহ্বান জনোৱা আছাদুদ্দিন ওৱাইছিয়ে দাখিল কৰা আবেদনকে ধৰি আন দহখন আবেদন সন্দৰ্ভত ১৬ এপ্ৰিলত শুনানি গ্ৰহণ কৰিব।
উল্লেখ্য যে ৱাকফ সংশোধনী বিধেয়কৰ বিৰুদ্ধে উচ্চতম ন্যায়ালয়ত বহু আবেদন দাখিল কৰা হৈছে। ১৬ এপ্ৰিলত উচ্চতম ন্যায়ালয়ে এই গোচৰসমূহৰ শুনানি গ্ৰহণ কৰিব। এই গোচৰসমূহৰ শুনানি গ্ৰহণ কৰিব মুখ্য ন্যায়াধীশ সঞ্জয় খান্না, ন্যায়াধীশ সঞ্জয় কুমাৰ আৰু ন্যায়াধীশ কেভি বিশ্বনাথনৰ বিচাৰপীঠে।
আনহাতে, নতুন ৱাকফ আইনখনৰ বিৰোধিতা কৰা মুছলিম পাৰ্চনেল ল ব’ৰ্ডে ঘোষণা কৰিছে প্ৰতিবাদৰ দীঘলীয়া কাৰ্যসূচী।
