দুদিন পূৰ্বে পঞ্জাৱ কিংছৰ বিৰুদ্ধে পৰাস্ত হোৱাৰ পোতক তুলিলে ৰয়েল চেলেঞ্জাৰ্ছ বাংগালুৰুৱে। আজি অনুষ্ঠিত হোৱা আই পি এলৰ এখন মেচত ৰয়েল চেলেঞ্জাৰছ বাংগালুৰুৱে পঞ্জাৱ কিংছক ৭ উইকেটত পৰাস্ত কৰে। আই পি এলৰ চলিত ছিজনত আৰ চি বিৰ এয়া পঞ্চম জয়।
মেচখনত পঞ্জাৱ দলে প্ৰথমে বেট ধৰি ১৫৭ ৰান সংগ্ৰহ কৰে, যাৰ প্ৰতিক্ৰিয়া স্বৰূপে বাংগালুৰু দলে ১৯ অভাৰতে তিনিটা উইকেট হেৰুৱাই জয়ৰ লক্ষ্যত উপনীত হয়।
আৰ চি বিৰ হৈ বিৰাট কোহলী আৰু দেৱদত্ত পাডিক্কালে অৰ্ধশতকীয় ইনিংছ খেলে। আজিৰ মেচখনতেই বিৰাট কোহলীৰ নামত সংযোজন হৈছে এক বিশেষ অভিলেখ। বিৰাট এতিয়া আই পি এলৰ ইতিহাসত সৰ্বাধিক অৰ্ধশতকীয় ইনিংছ খেলা বেটছমেনত পৰিণত হৈছে কোহলী।
আই পি এলৰ চলিত ছিজনৰ প্ৰথম ৮ খন মেচত বাংগালুৰুৰ এয়া পঞ্চম জয়। এই জয়ৰ লগে লগে আৰ চি বি এতিয়া পইণ্ট তালিকাৰ তৃতীয় স্থানত উপনীত হৈছে।
উল্লেখ্য যে, বিৰাট কোহলী এতিয়া আই পি এলৰ ইতিহাসত সৰ্বাধিক অৰ্ধশতক অৰ্জন কৰা বেটছমেন হিচাপে পৰিগণিত হৈছে। এই ক্ষেত্ৰত তেওঁ ডেভিড ৱাৰ্নাৰক অতিক্ৰম কৰে। পঞ্জাৱ বনাম বাংগালুৰুৰ খেলখনৰ পূৰ্বে বিৰাট কোহলী আৰু ডেভিড ৱাৰ্নাৰৰ নামত আছিল ৬৬টা অৰ্ধশতক। আজিৰ মেচখনত বিৰাটে ৬৭ সংখ্যক অৰ্ধশতক অর্জন কৰি নিজৰ নামত এই আই পি এলৰ অভিলেখ গঢ়িবলৈ সক্ষম হৈছে৷
