হাতত ৰেকেট লৈ অলিম্পিক বিজয়ী ছাইনা নেহৱালৰ সৈতে বেডমিন্টন খেলিলে ভাৰতৰ ৰাষ্ট্ৰপতি দ্ৰৌপদী মূৰ্মুয়ে। ১০ জুলাইত ৰাষ্ট্ৰপতি ভৱনৰ বেডমিন্টত গ্ৰাউণ্ডত চেলোৱাৰ পৰিধান কৰি বেডমিন্টন খেলিলে ৰাষ্ট্ৰপতিয়ে।
ৰাষ্ট্ৰপতিৰ বেডমিন্টন খেলা ভিডিঅ’ ভাইৰেল হৈ পৰিছে ছ’চিয়েল মিডিয়াত। আনকি বেডমিন্টন খেলাৰ ফটো-ভিডিঅ’ ৰাষ্ট্ৰপতিয়ে এক্স আৰু ইনষ্টাগ্ৰামত শ্বেয়াৰ কৰিছে।
ইফালে, ৰাষ্ট্ৰপতি দ্ৰৌপদী মূৰ্মুৰ সৈতে বেডমিণ্টন খেলাৰ পিছত ছাইনা নেহৱালে এক্সত এটা পোষ্ট শ্বেয়াৰ কৰিছে। এই পোষ্টটোত তেওঁৰ অভিজ্ঞতাৰ বিষয়ে উল্লেখ কৰি তেওঁ কয়- ‘এইটো মোৰ জীৱনৰ এটা স্মৰণীয় দিন… মোৰ সৈতে বেডমিণ্টন খেলাৰ বাবে ৰাষ্ট্ৰপতি মেডামক বহুত ধন্যবাদ।‘
উল্লেখ্য যে, কৰ্মৰ বাবে সদা ব্যস্ত থকা ৰাষ্ট্ৰপতিৰ বেডমিন্টন খেলা ভিডিঅ’ সকলোৱে প্ৰশংসা কৰিছে। ৬৬ বৰ্ষীয় ৰাষ্ট্ৰপতিগৰাকীয়ে এজন যুৱ খেলুৱৈৰ দৰে বেডমিন্টন খেলাৰ দৃশ্য আন বহুতো খেলুৱৈৰ বাবে প্ৰেৰণাৰ উৎস হ’ব পাৰে।
