পঞ্জাৱৰ মাজিঠা বিধান সভা সমষ্টিৰ ভাংগালী, ধৰীৱাল আৰু মৰাদি কালান গাঁৱত বিষাক্ত সুৰাই সৃষ্টি কৰে বিধ্বংসী কাণ্ডৰ। বিষাক্ত সুৰা সেৱন কৰি প্ৰাণ হেৰুৱায় ১৪ জন লোকে।
সোমবাৰে গভীৰ নিশা সংঘটিত হয় এক দুৰ্ঘটনা। ১৪ জন লোকৰ মৃত্যুত সমগ্ৰ অঞ্চলটোত আতংকৰ সৃষ্টি হয়। তিনি বছৰৰ ভিতৰত পঞ্জাৱত এইটো চতুৰ্থটো সুৰা ট্ৰেজেডী।
খবৰ অনুসৰি, আজি পঞ্জাৱৰ মুখ্যমন্ত্ৰী ভগৱন্ত মানে মাজিঠা ভ্ৰমণ কৰিব। এই ঘটনা সন্দৰ্ভত মানে কয় যে, মাজিঠাৰ আশে-পাশে থকা গাঁওবোৰত বিষাক্ত সুৰা সেৱন কৰাৰ ফলত বহু লোকৰ মৃত্যুৰ দুখৰ খবৰ পোৱা গৈছে। নিৰীহ লোকৰ এই হত্যাকাৰীক কোনো মূল্যৰ বিনিময়ত ৰেহাই দিয়া নহয় বুলি তেওঁ জানিবলৈ দিয়ে।
তেওঁ কয় যে, এইয়া মৃত্যু নহয়, হত্যাহে। বিষাক্ত সুৰা সেৱন কৰি প্ৰাণ হেৰুওৱা লোকসকলৰ গৃহত শোকৰ বাতাবৰণ সৃষ্টি কৰা এই দোষীক আইন অনুসৰি কঠোৰতম শাস্তি দিয়া হ’ব বুলি জানিব দিয়ে। ক্ষতিগ্ৰস্ত পৰিয়ালসমূহৰ সৈতে চৰকাৰ আছে আৰু সম্ভৱপৰ সকলো সহায় আগবঢ়োৱা হ’ব বুলি তেওঁ উল্লেখ কৰে।
ইফালে পঞ্জাৱৰ এছ এছ পি অমৃতসৰ মণিন্দৰ সিঙে জনোৱা মতে, ১২ মে’ৰ নিশা প্ৰায় ৯:৩০ বজাত বিষাক্ত সুৰা সেৱন কৰি ১৪ জনে প্ৰাণ হেৰুওৱা বুলি তথ্য লাভ কৰা হয়। আৰক্ষীয়ে তাৎক্ষণিক ব্যৱস্থা গ্ৰহণ কৰি ৪জন লোকক আটক কৰে। আৰক্ষীয়ে মূল যোগানকাৰী পৰ্বজিৎ সিঙক গ্ৰেপ্তাৰ কৰা বুলি দাবী কৰে। লগতে অভিযুক্ত কুলবিৰ সিং ওৰফে জগ্গু (মূল অভিযুক্ত প্ৰভজীতৰ ভাতৃ), মাৰ্ডি কালানৰ বাসিন্দা চাহিব সিং ওৰফে চৰাই, গুৰজন্ত সিং, জীতাৰ পত্নী নিন্দৰ কৌৰক গ্ৰেপ্তাৰ কৰে।
