এইবাৰ সম্পূৰ্ণ নতুন পদ্ধতিৰে ঘোষণা হ’ব Tet Cum Recruitment Testৰ চূড়ান্ত ফলাফল। তথ্য অনুসৰি, এইবাৰ স্নাতক পৰ্যায়ৰ সৰ্বমুঠ ৮,২৩০টা শিক্ষকৰ পদ আছে। ইয়াৰে চৰকাৰী শিক্ষানুষ্ঠানত আছে ২২৬টা স্নাতক শিক্ষকৰ পদ আৰু প্ৰাদেশীকৃত শিক্ষানুষ্ঠানত স্নাতক শিক্ষকৰ মুঠ পদ ৮,০০৪টা।
এইবাৰ স্নাতকোত্তৰ শিক্ষকৰ সৰ্বমুঠ ১,৪৮৭টা পদৰ বাবে অনুষ্ঠিত হৈছিল লিখিত পৰীক্ষা। ইয়াৰে ১,৩৮৫ টা পদ প্ৰাদেশীকৃত শিক্ষানুষ্ঠানৰ, চৰকাৰী উচ্চতৰ মাধ্যমিক বিদ্যালয়ৰ বাবে আছে ১০২টা PGT পদ।
ৰাজ্যৰ ৬টা মণ্ডলত সম্পন্ন হ’ব নথি-পত্ৰ পৰীক্ষণ প্ৰক্ৰিয়া। এই তালিকাত ডিব্ৰুগড়, যোৰহাট, কাছাৰ, নগাঁও, কামৰূপ (মহানগৰ) আৰু বঙাইগাঁও জিলাৰ নাম অন্তর্ভুক্ত হৈ আছে।
এইবাৰ-
- চূড়ান্ত ফলাফল ঘোষণাৰ পূৰ্বে সম্পন্ন হ’ব সকলো নথি-পত্ৰৰ পৰীক্ষণ প্ৰক্ৰিয়া
- প্রথম পর্যায়ত স্নাতকোত্তৰ শিক্ষক পদৰ প্ৰাৰ্থীৰ বাছনি প্রক্রিয়া সম্পন্ন হ’ব
- এটা পদৰ বাবে কেৱল এজন প্রার্থীয়েহে লাভ কৰিব বাছনি
- নির্দিষ্ট ৱেবছাইটত উপলব্ধ হ’ব TRTৰ দ্বিতীয় প্ৰশ্নকাকতৰ নম্বৰ
- ইয়াৰ পাছতে মাণ্ডলিক পর্যায়ত সম্পন্ন হ’ব প্ৰাৰ্থীসকলৰ নথি পৰীক্ষণ প্রক্রিয়া
- কেৱল অৰ্হতাসম্পন্ন প্রার্থীয়েহে সংগ্রহ কৰিব পাৰিব প্ৰৱেশ-পত্ৰ
- assam.gov.inত উপলব্ধ হ’ব প্ৰৱেশ-পত্ৰ
- ১৯ জানুৱাৰীত সম্পন্ন লিখিত পৰীক্ষাৰ নম্বৰৰ তালিকাও পাব এই ৱেবছাইটটোত
