দক্ষিণ গোৱাত তিমি মাছৰ বমিৰ চোৰাং ব্যৱসায়ৰ অভিযোগত তিনিজন লোকক গ্ৰেপ্তাৰ কৰিছে আৰক্ষীয়ে। শুকুৰবাৰে স্থানীয় আৰক্ষীয়ে এই আটক কৰা লোকসকলৰ পৰা দহ কোটি মূল্যৰ তিমিৰ বমি উদ্ধাৰ কৰে।
এই গোচৰৰ তথ্য দি আৰক্ষী বিষয়াগৰাকীয়ে কয় যে, গোপন তথ্যৰ ভিত্তিত বৃহস্পতিবাৰে সংগম গাঁৱৰ এখন গাড়ীত আৰক্ষী জোৱানে অভিযান চলায়। তদন্তৰ সময়ত আৰক্ষীয়ে এই গাড়ীখনৰ পৰা ৫.৭৫ কেজি মোমৰ দৰে পদাৰ্থ উদ্ধাৰ কৰে। ইয়াৰ দ্বাৰা দামী সুগন্ধি তৈয়াৰ কৰা হয়।
উল্লেখ্য যে তিমিৰ বমিত এম্বাৰগ্ৰিছ শুক্ৰাণু পোৱা যায়, যি তিমিৰ অন্ত্ৰত তৈয়াৰ হয়। ইয়াৰ জৰিয়তে ব্যয়বহুল সুগন্ধি তৈয়াৰ কৰা হয়, যাৰ মূল্য আন্তঃৰাষ্ট্ৰীয় বজাৰত প্ৰায় দহ কোটি টকা।
যিহেতু ভাৰতত তিমি মাছ বন্যপ্ৰাণী সুৰক্ষা আইনৰ তফছিল ২ৰ অধীনত সুৰক্ষিত, যাৰ বাবে ভাৰতত তিমিৰ পৰা নিৰ্মিত যিকোনো সামগ্ৰী ৰখা বা ব্যৱসায় কৰাটো নিষিদ্ধ।
স্থানীয় আৰক্ষীৰ তথ্য অনুসৰি, তিমিৰ বমিৰ চোৰাং ব্যৱসায়ৰ অপৰাধত গ্ৰেপ্তাৰ হোৱা তিনিজন লোক গোৱাৰ বাসিন্দা বুলি চিনাক্ত কৰা হৈছে। ইয়াৰে শৈনাথ চেট আৰু ৰত্নাকৰ কৰপুৰে গোৱাৰ বাসিন্দা, আনহাতে যোগেশ ৰেড্ৰেকাৰ মহাৰাষ্ট্ৰৰ বাসিন্দা। অৱশ্যে তেওঁলোকে ইমান বৃহৎ পৰিমাণৰ এম্ব্ৰিজ ক’ৰ পৰা পালে সেই সন্দৰ্ভত বৰ্তমানেও তদন্ত অব্যাহত আছে।
