বাংলাদেশৰ প্ৰাক্তন প্ৰধানমন্ত্ৰী শ্বেখ হাছিনাক ৬ মাহৰ কাৰাদণ্ডৰ শাস্তি প্ৰদান কৰিছে। নিউজ এজেন্সি পি টি আইয়ে এটা স্থানীয় সংবাদ মাধ্যমৰ প্ৰতিবেদনৰ উদ্ধৃতিৰে খবৰ প্ৰকাশ কৰিছে যে বাংলাদেশৰ পদচ্যুত প্ৰধানমন্ত্ৰীগৰাকীক বুধবাৰে আদালত অৱমাননাৰ গোচৰত আন্তঃৰাষ্ট্ৰীয় অপৰাধ ন্যায়াধিকৰণে ছমাহৰ কাৰাদণ্ডৰ শাস্তি প্ৰদান কৰে।
ঢাকা ট্ৰিবিউন কাকতখনে প্ৰকাশ কৰা অনুসৰি শ্বেখ হাছিনাৰ বিৰুদ্ধে এই ৰায়দান আন্তৰ্জাতিক অপৰাধ ন্যায়াধিকৰণ-১ৰ তিনিজনীয়া বিচাৰপীঠে অধ্যক্ষ ন্যায়াধীশ এম ডি গোলাম মুৰ্তুজা মোজুমদাৰৰ নেতৃত্বত জাৰি কৰিছে।
ইফালে একেটা ৰায়তে ন্যায়াধিকৰণে গাইবন্ধাৰ গোবিন্দগঞ্জৰ শ্বাকীল আকন্দ বুলবুলক দুমাহৰ কাৰাদণ্ডৰ শাস্তি প্ৰদান কৰে।
উল্লেখ্য যে, হাছিনাই ১১ মাহ পূৰ্বে প্ৰধানমন্ত্ৰী পদৰ পৰা পদত্যাগ কৰি দেশৰ পৰা পলায়ন কৰাৰ পিছত আৱামী লীগৰ কোনো নেতাক প্ৰথমবাৰৰ বাবে যিকোনো গোচৰত শাস্তি প্ৰদান কৰা হৈছে।
