শুনি আচৰিত যেন লাগিলেও এইয়াই সত্য। হাঁহৰ পোৱালীক কেন্দ্ৰ কৰি সৃষ্টি হৈছে প্ৰচণ্ড মাৰপিটৰ ঘটনা।
ধুবুৰীৰ চলাকুৰা গাঁৱত সংঘটিত হয় এই ভয়ংকৰ মাৰপিটৰ ঘটনা। হাঁহৰ পোৱালীক লৈ হোৱা মাৰপিটৰ ফলতেই ৰক্তাক্ত হৈ পৰে এটা পৰিয়াল। গাঁওখনৰ আশাব উদ্দিন নামৰ এজন ব্যক্তিৰ নেতৃত্বত ৪-৫ জনীয়া এটা দলে মাৰপিট কৰি ছলিম উদ্দিন নামৰ এজন ব্যক্তিৰ পৰিয়ালৰ ৪জনকৈ ব্যক্তিকগুৰুতৰভাবে আহত কৰে।
অভিযোগ অনুসৰি, ধুবুৰী সদৰ আৰক্ষী থানা এলেকাৰ মাঝেৰচৰ চলাকুৰা গাঁৱৰ বাসিন্দা ছলিম উদ্দিনৰ মাতৃৰ কেইটামান হাঁহৰ পোৱালি আৱদ্ধ কৰি ৰাখে আশাব উদ্দিনৰ পৰিয়ালে। ইয়াকে লৈ প্ৰথমে দুই পক্ষৰ মাজত কাজিয়াৰ সূত্ৰপাত হয়। তেনে সময়তে আশাব উদ্দিনৰ পক্ষৰ ৪-৫ জনীয়া দল এটাই হাতে হাতে লাঠী, চোকা অস্ত্ৰ আৰু কাঠৰ টুকুৰাৰে আক্ৰমণ কৰে ছলিম উদ্দিনসহ তেওঁৰ মাতৃ, পত্নী আৰু ভগ্নীক। আক্ৰমণৰ ফলত গুৰুতৰ ভাবে আহত হয় ছলিম উদ্দিন।
লগে লগে ভুক্তভোগী পৰিয়ালক ধুবুৰী মেডিকেল কলেজ হস্পিতাললৈ নিয়া হয় আহত সকলক। উক্ত ঘটনা সন্দৰ্ভত ছলিম উদ্দিনে ধুবুৰী সদৰ আৰক্ষী থানাত এখন এজাহাৰ দাখিল কৰে। অভিযোগ অনুসৰি, আশাব উদ্দিন, জয়নাল আবেদিন, হোছেন, পাশান আলী আৰু ৰফিক নামৰ লোক কেইজনে মাৰপিট কৰে ছলিম উদ্দিনৰ পৰিয়ালক।