ধুবুৰীৰ ৰাষ্ট্ৰীয় ঘাইপথত ভয়ংকৰ পথ দুৰ্ঘটনা সংঘটিত হয়। আগমনিৰ ১৭ নং ৰাষ্ট্ৰীয় ঘাইপথত সংঘটিত হয় এই দুৰ্ঘটনা।
এই দুৰ্ঘটনাৰ ফলত প্ৰাণ হেৰুৱাই এগৰাকী মহিলাই। লগতে আহত হয় ২ বাইক আৰোহী।
হালাকুৰাৰ পৰা AS17P….নম্বৰৰ বাইক এখন দ্ৰুতগতিত গৌৰীপুৰ অভিমুখে গৈ আছিল। দ্ৰুতগতিত আহি থকা বাইকখনে নিয়ন্ত্ৰণ হেৰুৱায় পথচাৰী মহিলা এগৰাকীক খুন্দা মাৰে। বাইকৰ প্ৰচণ্ড খুন্দাত থিতাতে নিহত হয় মহিলাগৰাকী।
দুৰ্ঘটনা সংঘটিত কৰা বাইক আৰোহী ২জনক সংকটজনক অৱস্থাত পশ্চিমবংগৰ চিকিৎসালয়লৈ প্ৰেৰণ কৰা হয়। বাইক আৰোহী ২জন হালাকুৰাৰ শুভজিত ৰায় আৰু খেৰবাৰীৰ বিশ্বজিৎ বৰ্মন বুলি জানিব পৰা গৈছে।
অৱশ্যে বৰ্তমানলৈকে মহিলাগৰাকী চিনাক্ত কৰিব পৰা হোৱা নাই।
