ইংলেণ্ডৰ বিৰুদ্ধে চলি থকা টেষ্ট শৃংখলাৰ তৃতীয়খন মেচৰ দ্বিতীয় দিনা ভাৰতৰ বেগী বলাৰ যশপ্ৰীত বুমৰাহে ইংলেণ্ডৰ পাঁচটা উইকেট দখল কৰি ইতিহাস ৰচিবলৈ সক্ষম হয়। এই বিধ্বংসী বলিঙৰ সহায়ত বুমৰাহে বিদেশৰ ভূমিত সৰ্বাধিকবাৰ পাঁচ উইকেট দখল কৰা ভাৰতীয় ক্ৰিকেটাৰত পৰিণত হয়।
বিদেশৰ ভূমিত বুমৰাহৰ এইটো আছিল কেৰিয়াৰৰ ১৩ নম্বৰ পাঁচ উইকেট হল। ইয়াৰ জৰিয়তে তেওঁ অতিক্ৰম কৰে ভাৰতৰ কিম্বদন্তী কপিল দেৱৰ অভিলেখ। বিদেশৰ ভূমিত কপিল দেৱে এটা ইনিংছত ১২বাৰ পাঁচ উইকেট সংগ্ৰহ কৰিছিল।
বিদেশৰ ভূমিত সৰ্বাধিকবাৰ টেষ্ট ক্ৰিকেটত পাঁচ উইকেট লোৱা ভাৰতীয় বলাৰ
যশপ্ৰীত বুমৰাহ- ১৩ বাৰ
কপিল দেৱ- ১২ বাৰ
অনিল কুম্বলে- ১০ বাৰ
ঈশান্ত শৰ্মা- ৯ বাৰ
উল্লেখ্য যে, এই পৰ্যন্ত ৪৭খন টেষ্ট মেচত বুমৰাহে ২১৫টা উইকেট দখল কৰিছে। সৰ্বশ্ৰেষ্ঠ প্ৰদৰ্শন ২৭ ৰানত ৬ উইকেট। ইয়াৰ উপৰি এতিয়ালৈকে টেষ্ট ক্ৰিকেটত এটা ইনিংছত ১৫ বাৰ পাঁচটা উইকেট দখল কৰিছে।
