আকৌ এবাৰ মুকলি হ’ল কমেডিয়ান তথা অভিনেতা কপিল শৰ্মাৰ কানাডা কেফে। তেওঁৰ ৰেষ্টুৰেণ্ট কেপছ কেফেত হোৱা গুলীচালনাৰ ১০ দিনৰ পাছত পুনৰ মুকলি হৈছে, যিটো কথা কপিল শৰ্মাই নিজেই ছ’চিয়েল মিডিয়াৰ জৰিয়তে অৱগত কৰিছে। লগতে এটা পোষ্ট শ্বেয়াৰ কৰি ৰেষ্টুৰেণ্টৰ দলটোক উৎসাহিত কৰিছে।
কপিল শৰ্মাৰ কেপছ কেফে (কানাডা)ৰ অফিচিয়েল ইনষ্টাগ্ৰামত এটা পোষ্ট কৰা হৈছে। ১৯ জুলাইত শ্বেয়াৰ কৰা এই পোষ্টটোত কেফেখন পুনৰ মুকলি কৰাৰ বিষয়ে তথ্য আছে। ইয়াৰ লগতে কেফেৰ দলটোৱেও সকলোকে ধন্যবাদ জ্ঞাপন কৰিছে।
সমগ্ৰ ঘটনাটো-
উল্লেখ্য যে, ১০ জুলাইত কানাডাৰ কপিল শৰ্মাৰ কেপছ কেফেৰ বাহিৰত গুলীচালনা কৰা হৈছিল। স্থানীয় আৰক্ষীয়ে জনোৱা অনুসৰি, গুলীচালনাৰ সময়ত ৰেষ্টুৰেণ্টখনৰ একাংশ কৰ্মচাৰী ভিতৰতেই উপস্থিত আছিল।
তথ্য অনুসৰি, কেফেখনৰ এখন খিৰিকীত ১০টা গুলীৰ চিন পোৱা গৈছে আৰু বহু খিৰিকীৰ গ্লাছ ভাঙি থকা অৱস্থাত উদ্ধাৰ হৈছে।
খালিস্তানী সন্ত্ৰাসবাদী হাৰ্জিত সিং ওৰফে লাডীয়ে এই গুলীচালনাৰ দায়িত্ব লৈছিল বুলি ইতিমধ্য জানিব পৰা গৈছে।
