বিত্তমন্ত্ৰী নিৰ্মলা সীতাৰমণে সংসদত বাজেট দাখিল কৰাৰ লগে লগে অভাৱনীয়ভাৱে হ্ৰাস পালে ভাৰতৰ শ্বেয়াৰ বজাৰ। অৱশ্যে কিছুসময়ৰ পিছতে শ্বেয়াৰ বজাৰ সুস্থিৰ হোৱা পৰিলক্ষিত হয়।
বৰ্তমান ছেনচেক্স ৪০০ পইণ্ট হ্ৰাস পাইছে। একে সময়তে নিফটিয়েও ৰেড মাৰ্কত ট্ৰেডিং কৰি আছে।
কেন্দ্ৰীয় বিত্তমন্ত্ৰী নিৰ্মলা সীতাৰমনৰ বাজেট ভাষণ শেষ হোৱাৰ লগে লগে ছেনচেক্সত অভাৱনীয় খহনীয়া দেখা পোৱা দেখা যায়। ১২৬৬.১৭ পইণ্ট অৱনমিত হৈ ৭৯,২৩৫.৯১ পইণ্টত উপনীত হয়।
আনহাতে নিফটিয়ে ৪৩৫.০৫ পইণ্টৰ লোকচানেৰে ২৪,০৭৪.২০ পইণ্টত উপনীত হয়।
উল্লেখ্য যে আজি ৰাতিপুৱা ৯:৪৫ বজাত ছেনচেক্সৰ ৪৭ পইণ্ট হ্ৰাসৰ সৈতে ৮০,৪৫৪ আৰু নিফটি ২১ পইণ্ট হ্ৰাসৰ সৈতে ২৪,৪৮৭ত আছিল।
সোমবাৰে ছেনচেক্স ৮০,৫০২.০৮ ত বন্ধ হোৱাৰ বিপৰীতে এন এছ ই সূচকাংক ২৩,৫৩৭.৮৫ ত বন্ধ হৈছিল।
উল্লেখ্য যে, বাজেটৰ পূৰ্বে সোমবাৰে দাখিল কৰা অৰ্থনৈতিক সমীক্ষাত চলিত বিত্তীয় বৰ্ষত জিডিপি ৬.৫ শতাংশৰ পৰা ৭ শতাংশ বৃদ্ধি পাব বুলি অনুমান কৰা হৈছে।
