ডিব্ৰুগড়ত মহিলাৰ সৈতে অপকৰ্মৰ অপচেষ্টা এগৰাকী অনা অসমীয়াৰ। গোপন ফটো তুলি ব্লেকমেইলিং কৰাৰ অভিযোগ এইগৰাকী লম্পটৰ বিৰুদ্ধে।
ডিব্ৰুগড়ৰ লাহোৱালত মহিলাৰ শ্লীলতা হানিৰ অপচেষ্টা চলাই নৰেন্দ্ৰ পণ্ডিত নামৰ এজন লম্পটে। এগৰাকী মহিলাৰ স্নান কৰি অহা অৱস্থাত গোপনে ফটো তুলি ব্লেকমেইল কৰিছিল এইজন অনা-অসমীয়া পাষণ্ডই।
বোৱাৰীগৰাকীক ব্লেকমেইলিঙৰ লগতে অসৎ কাৰ্য্য চৰিত্ৰাৰ্থ কৰাৰ কু-প্ৰস্তাৱ আগবঢ়াইছিল এইজন পাষণ্ডই। মহিলাগৰাকীয়ে তেওঁৰ এই প্ৰস্তাৱ মানি নল’লে সামাজিক মাধ্যমত ফ’টোও ভাইৰেল কৰাৰ ভাবুকি কৰিছিল এইজন ব্যক্তিয়ে। এই লোকজনৰ এনে নিকৃষ্ট কাৰ্যকলাপৰ বিৰুদ্ধে গৰজি উঠিছে বীৰ লাচিত সেনাই।
এই সংগঠনটোৱে নৰেন্দ্ৰ পণ্ডিতক অতি শীঘ্ৰে গ্ৰেপ্তাৰ কৰি দৃষ্টান্তমূলক শাস্তি দিয়াৰ বাবে আৰক্ষীক দাবী জনাইছে। অন্যথা বীৰ লাচিত সেনাই লোকজনৰ বিৰুদ্ধে নিজাববীয়াকৈ ব্যৱস্থা গ্ৰহণ কৰাৰো সকিয়নি প্ৰদান কৰে।
