ইউটিউবত ভিডিঅ’ প্ৰস্তুত কৰি এইবাৰ বিপদত পৰিছে জনপ্ৰিয় ইউটিউবাৰ ধ্ৰুৱ ৰাথী। প্ৰস্তুত কৰা এটা ভিডিঅ’ৰ বাবে ভাৰতীয় জনতা পাৰ্টীৰ নেতা সুৰেশ কৰমশী নখুৱাই ধ্ৰুৱ ৰাথীৰ বিৰুদ্ধে গোচৰ ৰুজু কৰিছে। তেওঁৰ বিৰুদ্ধে অভিযোগ আছে যে, ধ্ৰুৱ ৰাথীয়ে প্ৰস্তুত কৰা ভিডিঅ’ত সুৰেশ কৰমশীক জন মানসত হেয় প্ৰতিপন্ন কৰা হৈছে।
ইফালে, দাখিল কৰা গোচৰটোৰ শুনানি ৬ আগষ্টত অনুষ্ঠিত হ’ব। ‘বাৰ এণ্ড বেঞ্চ’ৰ প্ৰতিবেদন অনুসৰি, দিল্লীৰ সাকেত আদালতে ১৯ জুলাইত হাজিৰ হ’বলৈ ধ্ৰুৱ ৰাথীক চমন জাৰি কৰিছে। গোচৰ ৰুজু কৰাৰ পিছত জিলা ন্যায়াধীশ গুঞ্জন গুপ্তাই ইউটিউবাৰ ধ্ৰুৱ ৰাথীলৈ চমন জাৰি কৰিছে।
উল্লেখ্য যে, ধ্ৰুৱ ৰাথীয়ে ২০২৪ চনৰ ৭ জুলাইত তেওঁৰ ইউটিউব চেনেলত “গডী ইউটিউবাৰসকলক মোৰ উত্তৰ” এলভিছ যাদৱ। “ধ্ৰুৱ ৰাথী” শীৰ্ষক ভিডিঅ’ আপলোড কৰিছিল ধ্ৰুৱ ৰাথীয়ে।
ভিডিঅ’ আপলোড হোৱাৰ পিছতে বিজেপি নেতাগৰাকীয়ে দাখিল কৰা আবেদনত নাখুৱাই কৈছিল, ধ্ৰুৱ ৰাথীয়ে ডিজিটেল প্লেটফৰ্মত বনজুইৰ দৰে বিয়পি পৰা এটা ভিত্তিহীন ভিডিঅ’ আপলোড কৰিছিল। তেওঁ আপলোড কৰা ভিডিঅ’ত ৰাথীৰ অভিযোগৰ বাবে নাখুয়াই ব্যাপক নিন্দাৰ সন্মুখীন হৈছিল।
