আজি BTCৰ পৰিষদীয় নিৰ্বাচনৰ ভোটগণনা। পুৱা ৮ বজাৰ লগে লগে আৰম্ভ হৈছে ভোটগণনা প্ৰক্ৰিয়া। সৰ্বমুঠ ৪০ টা সমষ্টিত ২২ ছেপ্তেম্বৰত অনুষ্ঠিত হৈছিল BTC নিৰ্বাচন।
আজি মুঠ ৩১৬জন প্ৰাৰ্থীৰ ভাগ্য বন্দী হৈ আছে EVMত। ৮খন নিৰ্বাচনী জিলাত কেন্দ্ৰত কটকটীয়া কৰা হৈছে নিৰাপত্তা বেষ্টনী। কোকৰাঝাৰৰ ১২টা সমষ্টি, চিৰাঙৰ ৭ টা, তামুলপুৰৰ ৫, বাক্সাৰ ৬ টা আৰু ওদালগুৰিৰ ১০টা সমষ্টিকে ধৰি মুছ ৪০ টা সমষ্টিত অনুষ্ঠিত হৈছে এই নিৰ্বাচন।
বিটিচিৰ ৫ খন জিলাৰ প্ৰায় ২৬ লাখ ৫৮ হাজাৰ ১৫৩গৰাকী ভোটাৰে ৪০ টা সমষ্টিত নিৰ্বাচনী যুঁজত অৱতীৰ্ণ হোৱা ৩১৬ গৰাকী প্রার্থীৰ ভাগ্য নিৰ্ণয় কৰিব৷ নিৰ্বাচনী যুঁজ খন মুলত: সীমাবদ্ধ থাকিব বিজেপি,বিপিএফ আৰু ইউপিপিএলৰ মাজত ৷
নিৰ্বাচন অনুষ্ঠিত হ’বলগীয়া ৪০ টা পৰিষদীয় সমষ্টি হৈছে- ক্ৰমে পৰ্বতঝোৰা, বাওখুংগ্ৰী, শালবাৰী, খৈৰাবাৰী, গুমা, চালাকাটি, কোকলাবাৰী, ভেৰগাঁও, শ্ৰীৰামপুৰ, চিৰাং, দিহিৰা, ননৈ ছেৰফাং, যমদুৱাৰ, চিৰাং দুৱাৰ ,মুছলপুৰ, খালিং দুৱাৰ, চৰাইবিল, কাজলগাঁও, বাগানপাৰা, মুদৈবাৰী, কচুগাঁও, নিচিমা, দৰঙাজুলি, হৰিশিঙা, দোতমা, সোবাইঝাৰ, নাগ্ৰীজুলি, ধনশ্ৰী, ফকিৰাগ্ৰাম, মানস ছেৰফাং, গইবাৰী, ভৈৰৱকুণ্ড, বনৰগাঁও, ঠুৰিবাৰী, ছুক্লাই ছেৰফাং, পাঁচনৈ ছেৰফাং, দেবৰগাঁও, মথনগুৰি, গোৰেশ্বৰ, ৰৌতা।
