বৰ্তমান সময়ত শৰীৰৰ ওজন কমোৱাটো সঁচাকৈয়ে প্ৰত্যাহ্বানজনক হৈ উঠিছে। লঘু খাদ্যগ্ৰহণ আৰু জিমত ঘণ্টাৰ পিছত ঘণ্টা ধৰি কটোৱাৰ পিছতো শৰীৰৰ ওজন হ্ৰাস নহলে ই প্ৰায়ে হতাশাৰ সৃষ্টি কৰে।
আয়ুৰ্বেদত নহৰুক ওজন কমাবলৈ আটাইতকৈ ফলপ্ৰসূ উপায় বুলি গণ্য কৰা হয়। ইয়াৰ বহুতো ঔষধি গুণ আছে। মেদবহুলতাৰ ফলত হোৱা বহু ৰোগ প্ৰতিৰোধতো নহৰু সেৱনে সহায় কৰিব পাৰে। ইয়াত নহৰুক আপোনাৰ দৈনন্দিন খাদ্য তালিকাত অন্তৰ্ভুক্ত কৰাৰ কেইবাটাও উপায় উল্লেখ কৰা হৈছে যাতে আপোনাৰ ওজন কমোৱাত সহায়ক হব।
- নহৰুৰ গ্ৰীণ টি –
এই আয়ুৰ্বেদিক ঔষধে আপোনাৰ ওজন হ্ৰাসৰ যাত্ৰাত বহুখিনি সহায় কৰিব। গ্ৰীণ টিৰ সৈতে নহৰু দি বেলেগ টুইষ্ট দিব পাৰি। ইয়াক প্ৰস্তুত কৰিবলৈ প্ৰথমে গৰম পানীত নহৰুৰ পিচি তাৰ পিছত গ্ৰীণ টি দিব লাগে। লগত সোৱাদৰ বাবে অলপ মৌ বা আদা দিব পাৰে।
- নহৰু স্মুডী
ওজন কমাবলৈ নহৰুৰ স্মুডী এক উত্তম বিকল্প। যদি আপুনি আপোনাৰ দিনটো স্মুডীৰে আৰম্ভ কৰে তেন্তে তাত কেঁচা নহৰু দিব। ওজন কমাবলৈ তাত নহৰুৰ এটা মিশ্ৰণ দিব লাগে। জামু আৰু ষ্ট্ৰবেৰীৰ দৰে ফলৰ সৈতে নহৰু মিহলাই তৈয়াৰ কৰা স্মুদিত কেৱল পুষ্টিকৰ পদাৰ্থই নহয়, বিপাকীয় ক্ৰিয়াও উন্নত হয়, যাৰ ফলত ওজন কমাবলৈ বহুত সহজ হয়।
- নহৰু এভোকেডো টোষ্ট
সকলোৱে নহৰু ভাল নাপায়। আনকি বহুতে ইয়াৰ গোন্ধকো ঘৃণা কৰে। গতিকে, যদি আপুনি ওজন হ্ৰাসৰ বাবে আপোনাৰ খাদ্য তালিকাত নহৰু অন্তৰ্ভুক্ত কৰাৰ কথা ভাবিছে, তেন্তে নহৰুৰ এভোকেডো টোষ্ট ব্যৱহাৰ কৰি চাব পাৰে। নহৰুৰ সৈতে মিহলি কৰা এভোকাডোৰ ক্ৰীমযুক্ত তৰপে আপোনাৰ ব্ৰেকফাষ্ট স্বাস্থ্যকৰ আৰু সোৱাদযুক্ত কৰি তুলিব।
- নেমু নহৰু পানী –
যদি আপুনি ওজন কমাব বিচাৰিছে তেন্তে দিনটো আৰম্ভ কৰক এগিলাচ নেমু-নহৰুৰ পানীৰে। ইয়াৰ বাবে বিশেষ কষ্টৰ প্ৰয়োজন নাই। এগিলাচ পানীত আধা নেমু, মিহিকৈ কটা নহৰু আৰু গৰম পানী দিব লাগে। এই পানী খালে আপোনাৰ বিপাকীয় ক্ৰিয়া আৰু হজম শক্তি উন্নত হয়।
